無神論：般尼興奮過度 昆士柏單W 去馬
上次雖然圖像重心卡
夫城失手，但因貼中阿仙奴及雷丁收穫甚豐，結餘繼續上升；分兩注出手果然冇衰，今次唔怕追寶尾，先捧番昆士柏流浪，主場殺低正處於亢奮狀態嘅般尼，繼續向升班路進發。股市近排又似向下沉，加上裁員潮越加頻密，悲觀情緒瀰漫；不過大家要留意，當上周末10個球迷有8個球迷捧紅魔時，更有阿仙奴球迷擔心半力出擊，驚會畀紅魔大炒開「客其他」時，結果又如何？
同熱刺作對一鋪清
唔係吓吓都要用相反理論，人做你唔做，好似近期同熱刺作對者，勢將季初盈利一鋪清；但股市同波馬一樣，有時要睇值博率，恆指跌番1萬3千點，應考慮部署入貨，阿仙奴主場歷史性開出受讓盤時，你也不應錯過；騎師王，我點都唔買每次得2倍以下嘅韋達，上周與一位相識十載嘅好友茶聚，他的經歷，令我對人生嘅睇法，也陽光多一點。講回正題，卡
夫城上次最後踢9人，卒末段失手，負於昆士柏流浪腳下；今次捧番後者，主因當然係般尼周中拼盡120分鐘，靠互射12碼作客爆大冷淘汰車仔，晉身聯賽盃8強，今次更是連續第3場作客，體力已是大疑問；碰巧主力中堅史提芬卡達維停賽，作客鬥升班決心極強嘅昆士柏流浪，好難踢。
昆士柏勢強有士氣
昆士柏流浪較般尼早一天作客紅魔僅輸一粒，全場大部份時間死守，體力消耗不大，而且今季主場戰績極出色（近3次主場全勝）；暫代領隊、與球員相處極融洽嘅艾斯禾夫備受好評，1.9倍單W ，我有信心。保險注，捧周中揸流攤嘅紅軍，作客炒保頓，而家單W 買Big 4好多時乏味，有信心應博贏兩球；至於愛隊雷丁作客硬撼錫菲聯，唔易打，不過班波真係好超班，有賠率配合今日主題，點解唔長追？是日投注：$1,700本金：$100,000（上次賺蝕+$1,095）結餘：$103,899近5場往績：LWWLW蘋果波神水準有目共睹，長跟必有著數。
