求驗客手記︰兩隻黑「星」玩殘紅魔
曼聯輸俾兵工廠都唔意外，拿斯尼表現咁好，呢位後生仔大把前途呀！曼聯嘅葡萄牙翼鋒基斯坦奴朗拿度（C 朗）前兩場梅開二度，仲以為佢今次又有進賬，點知空手而回！過頭冇入波，轉個頭仲俾前菜爆料，仲係啲羞家嘢！今季C 朗無愛情滋潤踢得唔多順，仲唔止一次俾條西班牙舊菜妮莉達數臭。最近又同傳媒爆料，話C 朗自戀又貪靚，全屋都係鏡，行到邊照到邊，直頭當自己係偶像！佢越爆越興奮，話C 朗成日都要用潤膚霜搽勻全身，仲要一日搽兩次咁誇，驚死啲皮膚爆拆令佢變人乾！
C 朗喜剃毛燙直髮
設計圖片及對白
咁仲唔止，女人成身毛就話有礙觀瞻啫，C 朗都有樣學樣，要同女人睇齊，男人老狗走去剃毛！恕我求大俠才疏學淺，只知游泳選手要剃體毛免阻水，乜踢波都要剃㗎？天生鬈髮嘅佢，有時仲要妮莉達幫佢用女人用嘅直髮器整直啲頭髮！吓？佢啲頭髮有幾長呀？又係講出嚟都嚇死人！記得上季C 朗入波停不了，佢話賽前去理髮有助入波喎！唔知朗尼係咪學咗佢，早排又剪個佛祖頭。但係一個剃毛，一個剪髮，身上少咗幾磅毛都唔識跑快兩步，齊齊冇波入！剪埋鼻毛都無用啦！
老馬出行逢到必輸
都係唔好講佢哋啲毛啦，最近有個毛茸茸嘅人好似幾黑腳，去到邊就輸到邊！呢個咪係岩岩榮升阿根廷國家隊教頭嘅「老馬」馬勒當拿咋！上次去巴拿比奴睇皇馬對祖記嘅歐聯，諗住睇加高、希古恩同沙維奧拿踢成點，點知皇馬就輸鬼咗！今次去完曼聯探班睇吓泰維斯，又同曼聯班友扮friend 影相，點知又衰埋！輸咗波，費Sir 就無賴馬生探班，但就話歐聯對完些路
又要對槍手，魔鬼賽程好「啃」喎！賴得就賴，試問邊一隊無試過魔鬼賽程
！
