神跡部落：法比加斯鋒芒盡斂
列斯聯明日之星
夫（Delph ），傳1月投紅魔。卡
夫城踢9個，輸一球無計，唔係我貼士全中。〈蘋果波經〉勢如虹，眾名家笑開顏。
網誌日期：2008-11-10前晚邀約好友M 一齊睇波，一枱人邊食邊飲酒邊聽歌邊喊邊睇波，最後兵工廠反底成功，這夜同近期天氣一樣真爽！賽前在〈蘋果開倉〉一文已指出阿仙奴可勝2:1，算係贏番啖氣贏到錢，其實成季咁長，輸贏好閒，否則阿仙奴前排和熱刺4:4咪要當場激到爆肺；我某程度同意費爵爺所講，若然曼聯班鋒將把握到機會，起碼贏幾粒，領隊們要保護麾下愛將，為佢哋差勁嘅表現減壓，遙遙長路，輸3分唔緊要，最怕係輸心情輸士氣。係咪真係輸得唔抵？出到星級前鋒陣容，後備仲有傑斯同泰維斯入場，對住得番賓特拿打單箭頭嘅青春班阿仙奴都3分盡失，費Sir 其實心里有數。佢老人家更心里有數係傑斯同加利仔歲月不饒人，七小福年代要全面告退。小弟最心痛係連部份粉絲都開始對「冇盃歲月」不耐煩，投以不信任票！人家嘅敵意批評，各為其主向來毋須氣頂，但我最希望見到忠誠嘅球迷們，懂得欣賞只得22歲嘅法比加斯不只沒有大跌watt ，其實鋒芒盡斂、懂得欣賞球會今季最貴收購（只是千多萬鎊）的拿斯尼這位雙槍將嘅射術、懂得欣賞天份一般嘅賓特拿，踢足近百分鐘不惜氣力，壓住曼聯雙中堅……請將成績表嘅公審放到明年5月，雲格說：「這場波是送給喜愛足球的人。」（It was a game for those who love football.）這夜盡興回家，睡得好。http://hk.myblog.yahoo.com/appleballmen/（逢周一至周五見報）蘋果波神個人資料英國足球狂熱，願能年年去朝拜。
