奉政府諭，要食得健康，就要厲行三＋二＋一菜多肉少金字塔比例。但原來高纖有益健腸排毒這套養生理論，點只人類適用，套之於犬隻身上也行得通！
我知我知，狗天生愛肉香，不好苦澀菜味，肯吼兩啖甜味重的生果都算偷笑。不過凡事總有例外！
已屆17歲耆英暮年的臘腸狗「阿Gi 」媽，不單只中西菜種都係飛佛，亦全賴食得菜多至可以保住條老命，去年大步跨過鬼門關，而家仲影響埋一對13歲高齡仔女的口味，闔家行另類，有菜齊齊隊！
攝於93年12月的「阿Gi 」媽。
被判死期犬科，一種主要由野狼和狐狸，歷盡千秋萬代衍生演變進化改良出來的生物。本性雜食，天賦尖銳而鋒利，可扯裂一隻成年男性手臂的牙齒組合，是為狩獵嗜肉的上佳武器。可想而知，蔬菜並非犬隻視為賴以求生的主要食源。所以，狗會食菜，仲當正餐，還要醫好病執番條命，幾咁大件事！
「我知講都無人信！」嗜菜耆英家族代言人Claudia 憶述。上年，年紀唔細的「阿Gi 」媽，因為年紀大機器壞，功能出現急性衰退，「獸醫話佢肝酵素勁到爆燈，機都check 唔到。」斷症得番四日命。如遭雷殛的Claudia 決定帶「阿Gi 」媽回家，人和狗好好的珍惜相處最後那一段黃昏。「我寧願佢
我懷抱去，都唔要佢自己一個孤零零走得咁冷清。」還開最好的狗罐頭俾「阿Gi 」媽享用，可惜食唔夠幾啖就嘔突。
「阿Gi 」媽的老公，是一頭高大威猛混種拳師犬，故四子女既擁有老豆的奶茶毛色，同時亦遺傳了阿媽身長腳短的特徵。
直擊試菜由被判死期，到好番，直至今年例行驗身，「阿Gi 」媽的心肝脾肺腎各功能表現遠高於歲數標準，成績卓越亮麗，Claudia 話無諗過呢招低成本的食菜自然療法，對老狗延年調理養生，特別有效！仲話食菜一年，「阿Gi 」媽掃菜口味越變廣泛。我唔信。狗喎？你估人！細蚊仔都會有偏食壞習慣啦。所以囉喎，我決定以六款質感軟硬、各有獨特味道的當造時菜逐一考狗，測試邊款至係最受狗歡迎上菜。
a 屬十字花科蔬菜。含大量鈣、鉀、維他命及礦物質，有效抗癌。
b 又名甘藍菜。味甘性平，功能利五臟六腑，大人細路都岩食。
c 分大白菜和白菜仔兩種。豐富蛋白質，解熱暢便袪濕疏通脾胃。
d B 胡蘿蔔素強效抗老化；維生素A 有助防止視力衰退。
e 喚作捲心菜。《千金要方》食治篇：味甘平無毒，久食大補腎。
f 常言道「太子都食唔死」的菜，補氣養血，療體弱，旺精神。
食菜療法直至一次，Claudia 在廚房洗菜芯，見眼仔碌碌正看喺自己的「阿Gi 」媽，無神沒氣的靜靜地待在腳邊。忽然心生一念，就將手中已洗乾淨的菜心，放一條在地上。只見「阿Gi 」媽聞聞吓，咦？食喎，仲冇嘔添！結果食吓一條食吓又一餐，連續食幾餐菜芯之後，「阿Gi 」媽唔單止四日大限之期大步
過，尚在人間，仲雙眼有神，開始有番體力。梗係即刻帶去見獸醫啦，嘩肝酵素穩步下調到部機終於check 到，「連獸醫都嘖嘖稱奇！」Claudia 於是繼續幫「阿Gi 」媽勵行食菜療法，連snack 都轉埋隊菜，三隻狗加埋日日隊斤幾。而「奇蹟」經Claudia 把口一傳十之後，Claudia 的老爺奶奶爸爸媽媽親戚朋友甚至屋企工人，日日掃貨，「我老豆山長水遠由元朗錦繡嚟探三隻『孫』，實買菜做手信。唔貴唔買㗎，成14蚊斤菜心，都照樣一大袋咁買俾佢哋三隻嘢食。」嘩咁嘅市道，14蚊食到碗粉！
餵狗食菜，Claudia 話分量一定要細，「太大條唔上唔落會噎親！」可生可熟食，視乎愛犬喜歡咩口感，「但生食一定要洗乾淨，同埋記得每三個月幫狗杜蟲。」好似離遠望見大堆菜已經流晒口水的「阿Gi 」媽，就鍾意生𡁻爽脆口感。
為了奪得Claudia 手中摯愛的菜心，好似返老還童的17歲狗瑞「阿Gi 」媽，在咱們面前跳跳跳跳跳。嘩小心嘅條尾龍骨喎，短腳臘腸狗條大陣一移位就……咩得！原來狗食菜，方法會似人手撕雞髀一樣，會先用一隻腳踩實「獵物」，然後靠把口逐條撕扯，嗦嗦聲𡁻！
原來狗食菜，方法會似人手撕雞髀一樣，會先用一隻腳踩實「獵物」，然後靠把口逐條撕扯，嗦嗦聲𡁻！
「仔仔」都唔執輸，吼老媽子食到眼神迷矇高潮迭起之際，乘機偷襲所有菜最甜美爽口的菜莖部分，留番大堆葉等媽子善後。
「阿Gi 」媽亦無教大家失望，一輪地氈式
庭掃葉，地上接近一斤重的乜菜物菜，剩得幾條，真係咩菜都食！
