拉闊足球場：曼聯無懼「兵」器亂舞
本周末重頭戲槍手主場迎戰紅魔，論排名、近況也難分高下。積分榜位列第3及第4，只有1分差距；周中歐聯同樣留力，同樣賽和，但支持紅魔者眾，何解？文：Gloria
Gloria 、牽牛
排名上，曼聯以1分之微力壓阿仙奴，而且少打1場；周中兩隊得和局，紅魔作客迫和些路
，槍手在自家門前卻顆粒無收；再者，槍手本季兩遇升班馬「雙城」也鍛羽而回顏面掃地，即使非紅魔迷也難對其表現放心。槍手神射手尹佩斯對費倫巴治錯失不少機會，反觀紅魔的基斯坦奴朗拿度（C 朗）擺脫開季腳風不順，狀態回升後屢建奇功，兩戰後進帳3球，令人期待本周末再下一城，射入個人在曼聯的第100球。兩次主持節目，均有讀者批評C 朗獨食，花巧，賣弄，花心，荒淫，讀者無難度甚至以舊曲新詞攻擊。無可否認，C 朗自加盟曼聯以來，負面批評不絕於耳，但觀其個人技術，遂領悟「瑕不掩瑜」。然而，足球世界冇一人球隊，小妹也非只懂欣賞璞玉之美。前有貝碧、朗尼、泰維斯，後有維
、里奧、雲達沙，曼聯矛尖盾固，何懼北倫敦軍火庫「兵」器亂舞？
同場加映：巧詞妙韻贈主持
無難度
觀塘無難度運用其急才與深厚填詞功力，七步成詩，即席為膾炙人口的《足球小將》賦新詞贈予Gloria ，勸伊人別再情迷基斯坦奴朗拿度。看看C 朗的他 身手都算不差踢波喜歡插吓花 有一雙粗腳瓜外表確不差 可惜太口花踢法腳法頭髮永遠都咁瀟灑搵老公 咪搵他 遲早實離婚吧講花弗 當今稱霸想專一咪搵他原曲：《足球小將》
屯門阿樂：阿仙奴黑氣纏身
我哋識波㗎嘛！梗係揀曼聯贏啦！我估3:1！曼聯有咩贏波條件？唔駛乜嘢優勢啦，佢嘅對手阿仙奴黑氣纏身，自從上一次對熱刺和波之後都冇場好波！而家曼聯氣勢如虹，贏梗！貼士：星期六11阿仙奴負曼聯1:3（19倍）星期日22布力般流浪和車路士1:1（6.5倍）星期日46曼城負熱刺1:2（10倍）
黃大仙Jackie ：C 朗生猛曼聯贏一粒
曼聯應該贏啦！C 朗咁生猛，阿仙奴又沉，傷兵太多啦！C 朗上個禮拜都入兩粒啦！正常我就覺得係和波，但近排阿仙奴太渣啦，我都係估曼聯會贏，少少哋贏一粒，2:1啦！貼士：星期六11阿仙奴負曼聯1:2（8.5倍）星期六21新特蘭勝樸茨茅夫2:1（8,5倍）星期日58史浩克04負拜仁慕尼黑1:2（9倍）
牽牛獨撐兵工廠
阿仙奴周六主場對曼聯，預了被全世界看扁，艾
巴約因傷缺陣，尹佩斯又要停賽；甚至連加拿斯、伊保爾、沙格拿等後防大將也缺陣，一心希望倒戈的施維斯達打爭氣波，但這位前法國後衞又在上仗撞爆鼻，上陣成疑。兵工廠還有什麼可恃？至少在阿聯酋球場未曾負於曼聯，法比加斯亦有遇強越強特質；而且曼聯近期太順了，順得嚟有點輕敵，對侯城領先4:1下差點被迫和4:4；亦看不起些路
下，差點喪師蘇格蘭，老謀深算的雲格樂於以下風姿態迎敵。
讀者金句
《舒夫真高臨老雙失》九龍塘Koo ：「老婆走佬未嘗係壞事，踢好波，實有機會重振雄風，到時再搵第二個啦！」《踩C 朗花心唔專一》觀塘無難度：「我都知男人不壞，女人不愛，但係我好專一㗎！我淨係睇《蘋果》唔睇其他報紙！」《指Gloria 先入為主喜歡巴塞隆拿》天水圍Marco ：「嘩，你第一次去睇巴塞就鍾意，如果你第一次睇基達菲過啲咪大件事？」
《拉闊足球場》下次舉行日期：13/11主題：困獸鬥
上集節目重溫：http://sport.appledaily.com下集參加網址：http://soccer.atnext.com/jp/soccer
