金融海嘯沖走身家，捲走發達美夢，一窩蜂買股票諗住賺硬？點知血本無歸。唔，香港人，抹乾眼淚先，因為希望尚在人間，$5就可以翻身，下周二勁賞金多寶今日開始預售，用一串魚蛋嘅價錢，分分鐘換到幾千萬，翻身，睇呢鋪。
記者：吳允沖
攝影：王文忠、譚盈傑、黃子偉
模特兒：Christy 、Kinki （Stage Models ）
鳴謝：現代教育、玄學家高萌禧
高萌禧：要買33、34！
雖然話天機不可洩漏，無人可以貼中六個冧巴，不過玄學家高萌禧以五行及天干地支，推算出以下心水冧巴，大家不妨參考吓。我就已經根據師傅貼士填好飛，希望一注扑中，以後唔使寫稿！師傅，靠晒你啦。
1.揀岩投注站
高萌禧教路：「買六合彩，最好去風水差嘅投注站，中環士丹利街投注站出名中頭獎多，皆因門前有斜路，水向下流，馬會漏水咯喎，即係你有多啲機會贏錢啦；上環干諾道中投注站開喺天橋底（見圖），風水都差，又係要Mark 實。仲有呀，遇著啲門口有整路工程或者爛地嘅投注站，擺明係破財格局，千祈唔好執輸，入去買番$5碰吓運氣都好呀。」明白！一於揀岩投注站先下注，下個千萬富豪，可能就係你。
2.著衫夾顏色雖然話富貴由天，不過風水玄學有好多招數都可以增財氣，荷包積弱最好著番岩色衣物行入投注站，內外兼顧效果更佳。不過咪以為著Under 可以邪一邪馬會，呢招唔係成日都岩使，反而喺某啲日子著透視裝，仲Work 呀。
3.夾岩時辰
睇番自己生肖，夾岩時間落注，發達機會更高。
4.擺風水局
無錯，佈風水局要視乎本身命格同家宅，不過簡單啲講，喺床頭放水種植物或者魚缸，都有增加財氣作用，成本唔高，買缸魚擺番棵富貴竹，抵博！
5.相信第六感無論你發夢獲得6個冧巴，定靈光一閃喺腦中冒出冧巴，呢啲都可能係上天畀你嘅幸運啟示，唔好理，最好根據第六感投注。
6.沾人財氣
人人恨有橫財命，要鴻運當頭中頭獎，留意身邊人，邊個鼻翼橫張（1）、山根位夠闊（2）、有對充滿霸氣嘅關刀眉（3），黐實佢，沾吓佢財氣都好！就算身邊人無以上面相特徵，
個好覺氣色好，中獎機會大增。
計數盞
氣
計數，揀6個冧巴，買$5一注六合彩，中頭獎機會率係13,983,816分之一。用科學角度貼冧巴，有無根據呢？現代教育首席數學顧問W.L.Lee 話：「買單雙數、買連續冧巴、用自己生日日子買冧巴，呢啲招數唔Work 。數學界好多人嘗試過預測Lottery 結果，但無人成功，反而發現分組買、特定買冧巴係無幫助嘅，唔會令中獎機會提高，仲可能因為信心多咗而落重注，最終輸多咗。」李Sir 講明，計數預測六合彩賽果，根本係無謂，不如自己憑空諗6個冧巴，中獎機會反會更高。
自由行最信天書
每本$88起，書報攤有售。
六合彩都有天書？係！你可能覺得搵笨，但坊間確實有唔少六合彩天書，當中以兩大「作者」白小姐同曾道人最響朵，打開白小姐著作一睇，內容貧乏，只得生肖同6個預測冧巴，完全無根據，仲要索價$88到百幾蚊一本，確實有掠水之嫌。記者明查暗訪某出版天書負責人，佢透露：「天書多數係自由行買，喺香港市場不大。」呢啲天書多數用以下三種方法預測結果，其實同自己用塔羅牌占卜差唔多，喺迷惘到唔知買乜冧巴嘅時候，都可以參考吓嘅。
小貼士
攪珠機$198
(激玩部落31535151)
1.只買單雙數：49個號碼，只買其中一個組合令選擇變少，睇番過去十期攪珠結果，未試過6個號碼全部係單數或雙數。
2.買連續號碼：好多人鍾意1、2、3、4、5、6咁連續買一組數字，從數學上睇，咁買法同隨機抽樣嘅或然率一樣。提提你，因為太多人鍾意咁買，就算中頭獎都會分薄晒。
3.生日日子：生日月份只得一至十二，日子頂盡去到31，太集中喺前面冧巴，機率上中獎機會唔大。
■李Sir
易卦：用卦象推測攪珠結果喎，我睇過，啲解釋一般人未必睇得明。
扶乩：用推背圖喎，懶有心思，不過推背圖唔係用嚟推測世界大事嘅咩？
數學：根據過去結果推算，數學化包裝疑似好科學，睇你Buy 唔Buy 。
你要知邊間投注站最老利？邊個冧巴最盲門？想一注扑中頭獎，做定功課先好喎。
第1位
中環士丹利街10-12號地下至3樓2號舖，中頭獎33次。
第2位尖沙嘴漢口道39-41號怡達中心地舖，中頭獎28次。
第3位觀塘開源道68號觀塘廣場地舖、九龍灣宏開道16號德福大樓2樓4號舖、青山道300-326號荃錦中心地舖，各中頭獎27次。
最多次攪出冧巴以2002年六合彩加到49個冧巴開始計：
開出次數最多：6、10、22
開出次數最少：46、47
史上最高獎金2003年中秋金多寶無人中，累積獎金至下期，中獎者以$220本金五膽拖44個冧巴，一注獨中$70,962,580。
