在牛市,大家見破頂就追call追貨,驚死怕蝕底,再破再追,勢如破竹.但見下次個浪都破唔到頂果時就唔去
止蝕,做一個真正的長線投資者,坐住隻艇遊山玩水兼環遊世界,都未返到屋企.
在熊市,係咁搏底,次次坐,次次搏,驚死蝕抵咁入貨,仲要不斷溝,愈溝愈淡,希望總可以中返一次.但底在何處呢?
本少爺很蠢,唔識估咩叫頂咩叫底.只是懂得加減乘除同基本概率的計法,微積分學過都唔記得了.
不如簡單玩一個數學遊戲:
假設牛市中,有9次破頂1次真頂,熊市中有9次破底1次真底.你應該點玩好呢?
假設我所用資金每次一樣,設止賺/蝕一樣.
如果用追頂/底法:一見破頂/底就渣沽,那麼,我在牛/熊市當中,我贏9次輸1次.就係輸響最頂同最底果次啦.
如果用摸頂/底法,牛熊市輸9次只能夠贏1次,就係真正果次頂底啦.
呢個方法唔係唔可以贏的.大家有冇玩過百家樂,不是開莊就閒,和就唔計啦,冇輸贏.你玩10鋪如果頭9次都係輸第10次先贏,只有一個方法可以贏到錢,就是每次都將注碼乘2,最近一次贏便可能贏到第一鋪的注碼了.我估大家應該都明白0既,我不再解釋了.
但在股市又是不是莊閒咁簡單呢?賠率又係咪2倍咁簡單呢?我太蠢了,唔識計呢d用代數方程都計唔到的數啦,既然複雜到都唔識計,點解仲要玩d咁複雜0既玩法呢?
如果在追頂底大法策略改變小小,又會點呢?
例如只設止蝕不設止賺,當有訊號來先止賺呢?會唔會擴大了贏面?
大家可參考下圖表,自然便可以一目了然了.
如果您喜歡這篇文章，請按「讚」或分享給您的朋友，以示鼓勵。
