在8號風球高掛的日子，對很多打工仔來說是喜訊，因為不用上班，放假一天。對於有需要上班的人來說，是否可以補回這日假期？而在打風日子返工放工途中受傷，又可不可以報工傷？今期〈辦公室ER 〉話你知。
辦公室ER ：
我是一間貿易公司文員，在8月22日高掛9號風球當日，為了準備第二日開會的文件，便回到公司工作。我想問的是在這日開了工，可不可以申請補假？而我在回公司途中跌了一交，弄傷了腳踭，可不可以向公司報工傷？謝謝！
司徒小姐上
一般公司、機構或店鋪會在8號風球或以上或黑色暴雨警告下（以下簡稱打風日子）關門，不用員工上班，就司徒小姐的個案，街坊工友會的譚亮英先生說：「現時勞工法例冇硬性規定，員工可以喺打風日子唔使返工，所以員工返咗工，照理係冇得補假。」
但有些特別工種或必要崗位，在打風日子仍然需要上班，如護老院內的當值人員等，便需要和僱主制定有關打風時返工的條款，「例如返工搭的士有冇得claim 、有冇雙工、甚至有冇補假或補償，都要先同僱主預先協議。」
所以司徒小姐在打風日子回公司工作，照理是不可以補假，除非是出於僱主要求，「如果係僱主叫員工喺打風日子下返工，咁員工就可以同僱主協議番可唔可以補假，或者其他補償。」
打風返工受傷有得賠
工傷方面，在平常日子，返工放工途中受傷不會列作工傷，譚先生表示：「相反喺打風日子，返工放工時間受傷即可列作工傷，例如搭的士途中受傷，或者跌親。但要注意係僱主要求下返工，或者係一嘅必要嘅崗位先會受理，否則僱主有權唔賠償畀員工，好似我哋曾經有個案例，有位象山
惠康員工需要喺打風日子當值，喺返工途中因為山泥傾瀉而受傷，成功獲得工傷賠償。另外，所謂嘅返工放工途中亦要合理，如果員工住油麻地喺荃灣返工，而報喺柴灣跌親，僱主有權唔受理。」
一般公司都有訂立在打風日子下有關工作細則，不同公司會有所不同，如司徒小姐不是因上司的要求下，或她的職位不是必要崗位，應該是不可以獲得補假或工傷，當然她可以嘗試向上司陳述她在打風日子回公司工作的重要性，法例不外乎人情，或可獲上司的理解。其實，即使手頭上有大量工作要趕工，為保障自己的安全，在打風日子應先知會上司或僱主才決定上班與否。
街坊工友會查詢熱線：24241456
