自訂車牌推出咁耐有唔少公司都會投番個放響自己公司車度吸引人注意，不過呢招out 晒啦，事關上星期八卦友揸車經過黃泥涌道時就見到有貨van 車尾有一大條網址，起初都唔為意有咩問題，再睇真啲原來佢響自訂車牌嘅前後再加咗啲字砌成一個網址，八卦友梗係即時影低佢返屋企check 吓個網址係咩啦，原來呢個網址係屬於一間僭建物清拆及屋宇維修工程公司，諗到咁樣幫公司宣傳，真係要寫個「服」字畀佢。
中間車牌「UBW 」同車尾啲英文有一段距離冇犯法，阿sir 截停應該都鋤唔入。
用呢個方法係醒，不過車身仲有咁多位，用埋嚟做宣傳唔係更好咩。
