不少人都愛閒時D.I.Y.，奈何自問手工、心思都未算「夠料」，總覺自家手作不夠精緻。想炮製充滿個人風格又見得人的飾物，今次有好介紹！最近在旺角潮流特區新開了一間甜美飾物專門店「Hanaya」，內裏不但洋溢可愛和風，而且設有自選飾物櫃台，只要揀好心水材料，便可立刻交由店員操刀，造出一條條合心水又高質素的電話繩、耳環、手鏈等。一向喜歡D.I.Y.的驕陽音樂人曹敏寶（Mable）更以「逛超市」比喻新店的方便程度，揀好材料就可立即炮製美「飾」！
引入東瀛概念
引入創新D.I.Y.概念的Hanaya，於今年四月開店，店主麥小姐當然是愛「飾」之人，跟其他女生一樣喜歡購買飾物外，閒時也愛到處搜羅不同材料，自製一、兩件小物。有一次，麥小姐在日本旅行時，發現相當流行的飾物店mix&match，店內設置一個大櫃台，上面放滿一碗碗的小吊墜、耳環扣和電話扣等小配件，顧客就像到超市購物一樣，將心水材料放入小籃，交給店員後，不消一會便有一件可愛又啱心意的製成品面世，「店內所有材料都由日本、韓國引入，多以甜美系列為主，我更打算在本月中引入銅色吊墜系列。」麥小姐說。新店反應熱烈，她更計劃在十一月於朗豪坊開設分店，D.I.Y.迷又多一個自選飾物蒲點啦！
飾物反映性格
Mable一向都喜歡自製小飾物，除了手繩、手鏈，更喜歡在手機貼上閃石。面對一系列的自選配飾，Mable不禁雙眼發光，立即要求做番條手機繩。「我一向鍾意D.I.Y.，奈何工作繁忙，往往無時間買材料落手做，呢間新店嘅Style正合我意！自選飾物可以反映個人喜好，就以我為例，每當見到粉紅色材料就會發狂，是百分百PinkFans，呢類人鍾意Shopping、食嘢，仲係簡單爽直嘅人呀，哈哈！」說罷，Mable已在細心挑選，實行整多幾樣飾物送畀朋友！
查詢：63000838
自選過程
首先挑選自己的心水配件，吊墜款式既有高跟鞋、手袋、唇膏等女性化系列，又有BB車、奶嘴、玩具等嬰兒系列，而配件有耳環扣、電話繩、頸鏈、手鏈等任君選擇，款式隨個人喜好，店員亦會提供建議。選好配件後，交給店員代勞，就可造出心水飾物。
咁多款，點揀好呢？
水晶手錶既有手鐲款式，也有橡筋款式，適合不同手形的女生佩戴。橡筋款式（左）$320手鐲款式（右）$400
