大家希望的事終於都發生了,就係老美通過方案,但是,大家看看當日dj的圖,在方案表決前,dj一直升,最多見3xx,方案一通過,係咁跌,最後仲要跌157收市,你話係咪玩野,d亞洲盤歐洲盤搏你升咪死得人多...但adr果面就唔係跌好多,5仔同2628仲頂住,不過近日adr的參考值又可以信多少呢.
一諗之下,其實自己星期又call又熊,不如老實點減持自己的call咪仲好,有廿格都唔賺你話係咪抵死,依家呢d時勢,個個都食左先算,d人仲會同你玩咁長咩,你估個個都係股神呀...之不過,始終每個人的目標同承受力係唔同,又唔可以一概而論...
昨晚同其中一個老闆食飯,咁0岩講開投資上的問題,佢提起另一個好有投資經驗的老闆,佢近日1.43e/u盤左右渣了,但近日低見1.38,可能仲有機會跌,之後就問佢啦,唔止蝕?佢話唔會,佢望1.6...1.6!?嘩成2000幾點呀,但問佢幾時到.他說兩年.兩年!好一個兩年,果然有耐性.但我信,因為匯市係周期性,近日交元強,美匯指數升穿80,但再升又可以幾多,總會有回落的一日,加上方案通過,老美要用錢來救市,即係又要印錢,美元自然貶值,大家如果唔想自己d hkd貶值又唔想太冒風險,其實持人仔係一個比較好的做法,但呢位老闆呢種玩法用耐性+財力去令自己贏......又適合大家嗎?
此外,今年樓價係人都知道見頂,無論咩理由,所以真的不可買,點都要等,耐性就是至勝關鍵,香港咁多樓,有錢怕咩冇屋住,樓價真的要跌,蝕的錢隨時多過你租樓的錢,仲要負資產,更要錯失左俾首期果筆錢的機會成本,冇得贏...傾到呢點,有個老闆都說笨,因為佢百三萬幾入左浪翠園(一次pay),依家百四度,佢都話,明知會跌仲入,佢有個想法,一係將層樓賣俾我(都廢事理佢,8成啦,咁就可以諗下...),一係就想按左佢,之後將d錢購入高息股票,然後就放租,1)收回的租金係可以俾公樓的錢,2)股票上賺的息係可以補回銀行的息...
佢仲話要入435陽光房地產投資信託基金,我即問點解入呢隻呀?佢話息高,一睇落,又真係好高,呢一次都派左成10%,佢仲話間公司好似講未來5年都係派咁多,真的假呀,內房前排跌到好甘,近呢兩日先有d起色,內地樓市事實上都係唔見好,仲追入?
佢問我啦,呢個plan有咩風險,我就話,有兩個1)股價大跌2)公司執左(雷曼都可以執,點解佢唔得),不如咁啦,呢個plan絕對可行!但搵d安全又比較高息的股入啦,雖然賺少左d息,但起碼唔會浪費筆錢,又安全,唔0岩咪去中銀轉晒做人仔定期,都有少少息嫁,人仔點都唔會跌掛,跌左咪拿出來上大陸用囉.真係保守到唔敢講出來...
個老闆暫時都唔多睇好個市,認為會一直慢慢咁試底,咁大家keep住呢個post,又睇下係咪事實囉,如果唔係,下次屈佢請食飯先...雖然呢餐佢請左...呵呵...
依家市況真係有d亂,但亂中始終都找到個勢,就係向下,如果再來多一兩次都彈唔起,我亦唔敢進取,少call long put策略,一跌得好誇張果日就不防入市,但第二日一彈的時候,就放6-8成(睇自己能力同埋第2日唔再下跌啦)或放剩賺左的錢,keep住少少貨底恐防佢有一下大升浪,當然以正股為例,置於call的話只可以有咁長的call搵咁長的call就可以,如果唔係就將賺左的錢入其他正股keep下也可,用呢個策略主要目的就係慢慢的儲貨,作一個上落跌市的長線投資,反正所有貨都係賺返來,公司一日唔執就有反彈機會,此策略長遠計絕對適合散戶...
如果您喜歡這篇文章，請按「讚」或分享給您的朋友，以示鼓勵。
