[服裝型鞋] 格仔襪褲蔓延秋冬鍾舒漫凸顯性感美

※秋冬大玩60年代復古熱，迷你裙配彩色絲襪，肯定好正，我就鍾意淨色衫配大花或格仔絲襪，看，係咪好正？




※看看我穿上的格仔絲襪，是否很搶眼？


※早前的時裝展，大Brand如Anna Siu與Chanel都展示出型格突出的絲襪。




※雖然舖面細小，但內裏的絲襪款式繁多，睇到人眼花繚亂，價錢都係數十元起。



　　最愛hip hop和R&B的鍾舒漫，酷愛美國黑人文化，打扮永遠走在潮流尖端，現為英皇娛樂旗下歌手。
　　小時候，天氣秋涼，會穿上針織羊毛襪褲保暖，顏色只限黑、白、灰三色，時至今日，絲襪潮流變得多元化，不再是單調實色，而是鴛鴦扭紋漸變，圖案令人愛不惜手，仿牛仔褲、格仔、豹紋、大花圖案等，應有盡有，加上秋冬大玩60年代復古熱，勁Hit超短迷你裙，配對彩色絲襪，加強視覺效果，肯定好正，想跟貼潮流，型格突出，不妨整對格仔絲襪，顏色討好，但要小心配搭，千祈唔好亂襯，Carry唔到就弊，好似魚網、閃令襪要淨色衫先好睇，唔係實娘爆。
　　大牌子如Anna Siu、MiuMiu、Chanel，絲襪閒閒懐過千元，想潮又抵玩，不妨去銅鑼灣白沙道的小店，那裏的絲襪款式令人眼花繚亂，店主話明圖案、顏色獨特的絲襪只得三、四對，要買趁早，踏入秋天，襪褲必成搶手貨，因為款多、價錢合理，吸引很多Dancers和OL幫襯，這天，我便一口氣買了4對返家。
　　地址：銅鑼灣白沙道2D1舖雲裳商店