沙灘free 玩車用品
刮盡！沙灘free 玩車用品
暑期尾都仍然日日30幾度，睇嚟今年有排熱，去沙灘游水曬太陽呢個節目仲有排玩！不過揸車去過沙灘都知，唔只去過時要喪等車位，走過時一樣要喪等沖涼位！今期〈專題Log In 〉就刮盡體貼沙灘product ，令大家無論等緊車位、玩緊定走人時都可以更free 、更瀟灑！
吹氣助手
去得沙灘點少得浮
、水泡、吹氣公仔，樣樣吹脹晒唔斷氣都泵到冇咗半條人命，呢款車用電泵只要插點煙插就用得。而且仲連胎氣都可以泵，又有照明系統，就算夜晚條胎唔夠氣都冇問題。$168(b)
四季雪櫃
大部分沙灘都山卡啦咁遠，啲士多九成都開天殺價，唔想俾人鋸到一頸血梗係自己買嘢飲去啦！呢款車用雪櫃大概可以放到10罐汽水，雪櫃蓋面除咗有四個杯架外，仲有防滑膠可以放小型物件。更勁係呢部雪櫃除咗可以製冷至18℃以下，又可以保溫到55℃，冬天一樣可以有熱維他奶飲！$550(a)
網羅雜物
去沙灘玩帶得多玩具、衫褲在所難免，唔想飛住啲多彎小路時雜物喺尾箱四圍「西」，最好梗係用個網固定晒佢啦！呢款大網就岩晒尾箱size ，夠韌力四圍勾都唔易爛。$69(b)
$70(c)
$330(a)
自備浴室
去熱門沙灘等沖涼分分鐘成半粒鐘，懶型去非正式沙灘又咩設備都冇，周身鹹水加沙粒又冇得唔洗，不過想玩得free 有咗呢個流動式花灑就掂！呢一款黑色水袋可以吸熱，只要去游水前入定水，曬一段時間就可以嚟個暖水浴，容量仲有22L ，夠兩至三個人用。$70(c)
另一款就係用壓力泵水上花灑頭，只要泵到足夠壓力就得，無需一邊沖一邊泵，不過要另外買多個水桶先可以用。$330(a)
濕衫滿載
游水前將乾淨衫褲放入防水袋先，咁就唔怕整到濕晒同埋成袋沙，玩完後又可以將濕晒嘅泳衣泳褲放入袋，咁就唔怕整濕部車啦，而且呢個防水袋仲可以揹著，去沙灘玩唔怕冇手幫女士拎嘢。$85(c)
一梳就乾
頭髮短沖完涼抹幾下就乾，不過女仔多數頭髮長，洗濕個頭成個鐘都唔乾，點算好，負離子發熱梳就岩晒貪靚嘅女士，梳頭之餘又有風筒效果，夠晒疏乾！$68(a)
防水坐墊
玩完水成身濕
，呢張防水坐墊就最適合，放定喺車就唔怕整濕同整污糟，測試時倒水上去，座椅都真係完全唔濕，防水功能靠得住！$350(a)
易潔地氈
次次去完沙灘玩，唔知點解明明抹乾淨自己，但都係搞到一車沙！呢款膠地氈唔只可以防水隔沙，仲特別易洗，沖完水抹乾就掂，落雨天一樣岩使。$85(a)
