阿爺帶挈，國家奧運金牌選手訪港，大匯演門票一朝早就賣晒，不過畀你買到又如何，隔住九條街咁遠，隨時要搵望遠鏡先
得清！
好似家陣最hit 嘅羽毛球男單金牌林丹咁，「超級丹」確係引死女，不過佢有位恩愛女友謝杏芳，班港女更加得個恨字，好在林丹有鋪爆肌癮，大批激相網上任
，冇得近玩咪當暫時止住啲口水先咋！
秘相曝光
林丹被人話似周董，有明星樣未嗱奧運金牌前已經成日拍廣告，仲經常幫啲內地雜誌谷肌影相做宣傳，內地體育富豪榜話佢07年搵咗1,200萬人仔，全中國排第五，只係輸俾姚明、劉翔、郭晶晶同易建聯。
羽毛球一哥超級丹（林丹）奧運男單奪金後，開心到球拍同對戰鞋全部揼晒畀觀眾熱情爆燈。
追女熱情
打波有鬥心，原來超級丹溝女一樣好有heart ，林丹自爆當年14歲見到大佢兩年嘅謝杏芳，已經俾對方一對長腿吸引，超級丹話：「最開始覺得她好漂亮，給她吸引住，所以主動追求她！」癡心林丹仲每日喺訓練場館門口扮偶遇博女神注意，不過當時林丹仲係死嚫仔，謝杏芳梗係唔會睇得上眼。
發求愛SMS
直到04年新年前夕，超級丹再出擊主動發SMS 給女神：「我很喜歡你，有時間能不能來聚一下！」又狂約女神唱K 終於打動謝杏芳，女友在訪問中亦透露：「其實平日已經留意他的一舉一動，他很搞笑，給我一種很陽光的感覺！」追女追足6年先到手，「超級丹」應該叫做「癡心丹」先岩喎！
冧女三秘技
秘技1︰當眾咀
173cm 嘅林丹溝到高過自己179cm 嘅謝杏芳，原來有三大絕招。第一招最冧就係當眾咀。謝杏芳嗱獎又咀、喺屋企搞生日又咀，仲要將啲冧相放晒上網任人睇，等於對住全世界同女友講我愛你，同時叫班女死心，冧死未？
秘技2︰唱情歌
據知林丹當年就係成日約埋謝杏芳，狂唱情歌博女友歡心，仲連趙薇（中）王菲（左）都係林丹K 友仔添。
秘技3︰齊搵錢
林丹連搵錢都同長腿謝杏芳孖住搵，一份工收兩份錢。最緊要係林丹搵到錢買咗間8百萬大屋兩份住之餘，仲買埋架過百萬Audi TT 跑車接女友，係女都死！
雯娜嗱金牌好認真，但原來佢最愛自拍益網友，國家運動員之中佢算另類。
何雯娜最反叛
金牌選手到港，除林丹之外，被譽為最索金牌運動員嘅何雯娜一樣要
實，事關娜妹除咗靚之外，原來性格仲好反叛，試過連國家隊代表都唔做跟男友著草，想知佢點反叛，請即揭去P.84頁
清楚。
奧運閉幕 姚明攬女最搶
奧運開幕睇到嘩嘩聲，點知閉幕就悶到媽媽聲。運動員贏又走輸都走，得個姚明7呎4吋鶴立雞群。鏡頭
到實，點知就捕捉到澳洲女子籃球隊代表、
力女子NBA 西雅圖風暴嘅Lauren Jackson 飛擒大咬，有傳Lauren 姐原來
中姚明好耐，2年前溝唔到姚明，今次喺奧運再見，雖然姚明已經娶咗太太葉莉，不過Lauren 都忍唔住抱抱聚吓舊，難為姚明一知道鏡頭影到佢即刻走夾唔抖，梗係啦，13億人睇住你攬女，返屋企有排解釋呀陰功。
箍頭攬
姚明行過去L.J.想握手，點知L.J.要抱抱，仲一手箍住姚明條頸。有網友仲誇到話聽到L.J.講I love you 。
摸心口
攬完之後L.J.仲依依不捨狂摸姚明心口，姚明即時唔識畀反應，過刻佢應該心諗：「大鑊，返去要扭耳仔！」
夠奔放
L.J.身高196cm ，身為澳洲隊女籃中鋒好波之餘仲充滿自信，三點式加裸照全部影過，佢仲直言為自己的身材驕傲，性格咁open ，難怪夠膽當住13億人民搞我哋國寶。
劉璇新碟《出發》週一（25日）出街，佢搵咗幫開劉心悠化妝嘅Annie.G Chan 出手執靚樣，成個樣靚晒。
劉璇食京奧水尾
奧運hit 咗班運動員，仲帶挈埋2000年悉尼奧運平衡木金牌得主劉璇人氣翻生，事關29歲嘅佢幫無線訪問體操運動員，除咗樣靚之外，網友仲勁讚佢訪問真情流露兼問嘢有point ，好過李思雅多多聲咁話。
劉璇由運動明星轉到全職藝人，最近仲搵埋阿Paul 黃貫中作新歌〈出發〉，隻碟特登喺京奧完畢翌日推出。阿Paul 話：「係佢主動搵我嘅，咁搵得我梗係唔會作埋啲情歌同慢歌畀佢啦，你聽首新歌〈出發〉都係好輕快㗎，佢要求都好高，我都改咗幾次先收貨！」據知劉璇歌喉都幾甜㗎！
家陣有阿Paul 幫，不過劉璇初入行影內地雜誌相就大整蠱，最慘係劉璇得153cm ，仲要因為玩體操搞到有對田雞腿兼腰骨傷晒，為咗好睇啲焗住著超過三吋高踭鞋或者長boot
到實，運動員轉做藝人，條路真係唔易行㗎！
《蘋果日報》圖片
爭成個頭
得153cm 嘅劉璇，早前出席《勁歌金曲》時已著3吋高踭鞋，不過與170cm 容祖兒同台仍然差成個頭有多，好輸蝕啫！
密密傾
今屆京奧見到劉璇同李小鵬兩個密密傾，見到對方個證反轉咗，劉璇仲即時幫佢反番正，好細心。
真心撐
劉璇真命天子其實係音樂教授王弢，上年對方參加湖南衛視《加油！好男兒》時，劉璇仲上台為男友打氣。
襯錯晒
2004年劉璇轉做藝人後替內地雜誌《OK!》影寫真，由髮型至服裝都由雜誌提供，由於當時劉璇尚算娛樂圈新人，所以對形象未有say no ，所以出來效果好嚇人！
體操女嚴選腳瓜long
劉璇樣夠索可惜身材太矮細兼有對甲組腳，最近中國女子體操隊又因為身材細粒搞到被人懷疑未夠秤，不過據體壇字典韋基舜稱，中國體操隊多矮人係因為國內有一套揀蟀方法，因應小朋友小腿嘅長度而推斷出日後嘅身高而再揀蟀，即係度佢哋對小腿長度，咁幾長先入選？韋基舜就話係國家機密唔可以透露。
至於家庭醫生關嘉美則表示太細個練體操，有機會影響小朋友骨骼。關嘉美說：「小朋友做柔軟性運動冇問題，不過長時間運動容易勞損，對兒童唔係太好，如果傷到一啲關節位可能會有永久傷害。」
飛機場
韋基舜話：「練習體操成日要做器械訓練增加上身力量，胸部脂肪比例減少而拉平，可能會比正常細都唔出奇。」
周期亂
關嘉美表示：「運動員因為長期訓練和緊張，可能會因此閉經或令經期變亂。而各國運動員亦可能會服食女性荷爾蒙來控制月經時間，一樣容易影響女性周期。」
田雞腳
韋基舜話：「體操訓練要求好強嘅肌肉力量，所以練習體操會令腳部肌肉比較發達，尤其係大腿肌肉會發達啲。」
13歲出道，「名曲」有〈真愛是真〉同〈愛意〉嘅「章魚城」（右圖），20歲忽然肥咗復出，台風唱功依然「咁勁」！
張如城復出慶奧運
奧運狂熱，熱到5年冇聲氣嘅騎呢亞洲神童張如城都返番出嚟。今年20歲嘅張如城在閉幕禮前一晚上無線音樂節目勁唱自己作品〈友誼的光彩〉話要唱好奧運，即刻俾網友笑娘爆，又笑佢唱普通話超失禮。
，人哋自稱用咗3、4年嚟寫呢隻歌㗎，畀吓面睇過時咪笑得咁大聲。原來上次同佢出碟嘅歌唱老師吳文笙已同「城城」反目，仲話：「睇吓佢阿媽今次幫佢出碟又呃邊個錢！」好嚴重指控喎！
