■骨精龍特登嗱佢嚟狂搖猛Fling ，手感及重量又真係唔錯喎。
近期《Soul Calibur 4》掀起咗一陣家用機格鬥熱；一堆「偉大」女角足已令麻甩仔噴晒鼻血，仲有五大漫畫家自創人物，連電車男都走唔甩，再加埋《星戰》黑武士、尤達同你玩激光格劍，真係吃通全球，難怪全球出貨量已達200萬。Game 熱賣連帶Joystick 水漲船高，Hori 出過隻有《SC4》貼紙版貴到無譜，基本上骨精龍帶定隻牛去俾佢
，點知店員反好心相勸，推介Hori 另一款PS3專用嘅畀我，仲拍晒心口話同《SC4》版同一規格同一手感，有埋三階段連射，只係爭張貼紙啫，但價錢相差一半，$269有交易！骨精龍諗都唔諗即入，反正近排《街霸4》咁熱，買定嚟等《街霸HD 》都抵
。邊間？信和一樓自己估啦。
肥通與骨精龍
