黑色Satin 閃珠片One-piece 裙$839
PerMe 係意大利文，英文解作For Me ，亦指每個Unique Style 只屬於妳，希望每一位穿著其品牌嘅女生都能散發出個人魅力。其實PerMe 呢個Brand 喺香港好多人都略有所聞，專賣歐洲時裝嘅小店總有幾件入口PerMe 出品，但就一直未有專門店。正因為咁，有心人將首間PerMe 帶到嚟香港，更主攻Variety Fashion Line 。連超愛日牌嘅Janice Man 都話要轉投這個米蘭牌子的懷抱，點解？她的理由一大堆。
記者：陳諾堯
攝影：林柏鈞
Makeup ：CoCo Wong
Hair ：Francis@HM Private I
金色閃珠片豹紋長袖Jumper $599
黑色Zip-up 皮褸$3,999（8月尾有售）
橙金色針織背心One-piece 裙$869
深啡色窩釘
皮背心$1,299
黃色透明片哈哈笑中袖One-piece 裙連黑色Waistcoat $959
■Janice 拍攝時十分投入，更不怕燈串發熱弄痛肌膚，認真落力。
厭了日本娃娃Look
一向給人日本妹印象的嚫模Janice Man ，經常以日式的《ViVi 》Look 打扮示人，形象與Lena 近似，但原來佢崇尚日本Fashion 係有原因嘅：「我唔係特登淨係著日本牌子，但係好多歐洲牌子都唔Fit 身，就算著XXS 都係闊！咁著衫都係想突顯線條美，太闊就變得唔好睇。其實我都鍾意Chanel 同MiuMiu ，覺得佢哋無論係Accessories 、衫、袋同鞋方面，設計剪裁上都比較特別，感覺Girlish 同Elegant ，岩晒我。」
一講到Milano 牌子PerMe 時，Janice 更滔滔不絕，「我幾年前喺朋友口中已經聽過呢個Brand ，佢仲介紹我買，話有好多唔同款式，咩路線嘅衫都有。但係我聽完就算，當時無時間去認真睇PerMe 嘅衫，直至最近PerMe 首間專門到港幫佢哋行Show ，先知道佢哋嘅衫款超多，任何年紀都適合，又唔會大件得滯。今次做完Styling 之後，我覺得我都係時候轉吓風格，著多啲意大利牌子嘅衫！」
■無論化妝或整頭時，Janice 都鍾意做怪臉。
■佢一見到工作人員嗱住條PerMe 大字頸鏈，即刻拼埋身話靚！
■Lisa 行騷當日都著住呢件黑色閃片Jacket ，又閃又有型，入秋去Party 著就岩岩好！
Janice 首選Lady Bling
Janice 話佢由細到大都特別鍾意Bling Bling 嘅嘢，所以當佢第一次見到PerMe 批閃珠片衫時，簡直愛不釋手，尤其是最近咁多Events 同Functions 要出席，多幾件Bling Bling 衫傍身真係好必要。
今個秋冬，PerMe 嘅閃片系列顏色會以黑、灰為主，設計上則偏向簡單不花巧款式，質地會用Satin 、Cotton 和真絲，全部元素加埋，一條好簡單嘅One-piece 裙都變得高貴Glamorous 。
■啞銀色珠片吊帶One-piece 裙$959
■黑色真絲絲絨珠片One-piece 裙$719
■灰色閃銀珠片中袖上衣$579
■黑色閃珠片Zip-up 長袖Jacket $899（8月尾有售）
格仔雪花Classic Look
一見到格仔絨Jacket ，不禁令人想起柯德莉夏萍年代Classic Look ，著上身充滿女人味。其質地多數係絨，起碼都要9、10月先著得，如果唔係真係會俾佢焗親！我就覺得Janice 著咗呢批黑白經典圖案，一定變身成懷舊Barbie ！
■黑白色格仔長袖Trench Coat $799
■黑色格仔絨短袖連Belt 外套$1,039
■米色雪花圖案中袖外套$959
■黑色珠片格仔薄絨裙$869
Bohemian 民族風情
民族風係今個S/S 大熱，最近行街見到10個當中總有5個係民族Style ，而呢個風氣仲會蔓延至Autumn Winter 。竅門就係款式要鬆鬆哋，要不經意地流露出飄逸感覺；如果想襯其他配飾，最好揀嬉皮士式的流蘇皮手袋又或者窩釘手袋，令整個Style 更有Fusion 型格。
■黑色真絲絲絨釘銅片長袖One-piece 裙$899
■民族彩間冷褸$719
首度著陸香港
PerMe 是意大利米蘭品牌，於2001年由Founder Somenzi 夫婦創辦，設計概念圍繞著米蘭的愛情故事，每件設計都有其背後意義；配襯不同配件飾物，Feminine 之餘更能突顯出服飾獨特之處。今次香港取得代理，開設首間專門店，大家又多了個質素之選。
■PerMe 的新舖裝修極似意大利的街頭細舖。
■原來思琦妹一早已是PerMe 粉絲，早前上《亮相》終極篇都身穿著PerMe 的彩色閃片橫間裙。
PerMe （23662737）
尖沙嘴加拿芬道45-47號2A 地舖
