想學英文係急唔黎既．．係要日子有功架！
每日保持睇１個鐘英文電視既習慣，就算根本冇心睇／唔知佢講乜，都要ｋｅｅｐ住，過左幾個月之後就會慢慢覺得自己唔知點解ｄ英文可以講得好純正～
另外，盡可能學識字典既國際音標，因為電子辭典廢架！ｄ發音唔純正，純正既發音本字典既國際音標，如果識果ｄ音標，我保證你地發音同英文老師有得輝！盡可能學識佢喇．．
我地見到一篇文章唔識果陣，往往會將自己唔識果ｄ生字查晒佢，我同你講：冇用架！咁查字典查左姐係等於冇查！呢頭查完，轉頭又會唔記得左架喇！你地每查完一個字之後，背左果個字佢！但係背都有技巧既，死背一樣轉個頭就唔記得，應該跟住ｄ讀音A將一個字分開佢黎背，例如：ｓｔａｔｉｏｎ，分為ｓｔａｔ同ｔｉｏｎ背，除左背得易，仲識左個讀音！
每晚瞓覺前，用半個鐘時間睇字典，求其打開字典既是但一頁，背左ｄ生字佢，當然唔係姐係背個字既解釋，仲要背埋個字既所有特性，同義詞，例句！
喺頭果２個月係關鍵既時期，開始果陣好辛苦，但係過左兩個月之後，會變左你既習慣！唔做唔得！如果你可以每日ｋｅｅｐ住做，ｄ英文起碼有Ｂ以上！最緊要既係堅持！千奇唔好半途而廢！
唔洗我講你都知識英文同唔識英文有幾大分別！如果你想第日舒舒服服咁坐喺ｏｆｆｉｃｅ等拎幾萬蚊人工，由今日既開始：９月１６日呢刻！學好ｄ英文佢！！但係你可以唔學好佢，第日大把世界俾你熬丫！！
學英文不外符５個字：睇，聽，寫，講，勤
睇：睇多ｄ英文報紙，故仔書，將你唔識，查左字典既字，寫底佢，得閒攞黎睇下
聽：每日聽英文新聞～你可以睇完無淺新聞，到７點半又睇明珠新聞，一日都係嘥你１個鐘！
寫：做練習同每日作幾句唔同類型既句子
寫：做練習同每日作幾句唔同類型既句子
講：每日讀一篇野，唔識讀到識，慢唔緊要，最緊要發音正確！
勤：最緊要係呢樣野！記住！
如果您喜歡這篇文章，請按「讚」或分享給您的朋友，以示鼓勵。
