近排同事話周末同囝囝去南澳食海鮮好過癮，仲話海膽當飯食！南澳係深圳一個海港，就好似舊日嘅鯉魚門，於是我即刻報咗個一日團去逛個圈，原來真係有海膽飯食，雖然要加錢，但都好抵。
是日高潮就係海膽飯！不過團費就唔包呢個飯，要另加¥38，未落車就要由導遊電話預訂，因為係即叫即整。呢缽飯只係手掌咁大，但有成10隻海膽，非常足料，海膽的鮮味融入米飯中，非常甘香。若你唔想額外俾錢，套餐本身都有海膽蒸蛋白，一樣咁好食，但就要同為食團友鬥快咋！
瑤柱絲係南澳必買手信，每樽¥15，全樽都係類似XO 醬製法的瑤柱絲，極其惹味，我都掃咗兩樽！
南澳是漁港，景色都算係一望無際，一家大細行吓海邊睇吓海鮮，都OK 㗎。而午餐地點就喺海邊的其中一間海鮮酒家。
白灼蝦係來自附近漁排的養蝦，咬落肉汁豐滿，非常新鮮。
薑
炒蟹雖然啲蟹偏細隻，但都算多肉，蟹鉗拆出的蟹柳有尾指咁粗，味道不太鹹，炒得岩岩好。
煎蠔仔餅係超水準之作，香口過大牌檔的好多，但又唔
過下難得！
蒜蓉蒸扇貝雖然偏細隻，但一碟有成廿幾隻，味道亦鮮美，反而
面的粉絲略嫌乾硬。
參加呢個團就係睇中行程的午餐海鮮餐，里面魚、蝦、蟹、海膽、扇貝、蠔仔樣樣齊，每人團費都係$176，呢個價錢喺香港買料都唔夠，淨係食呢餐都抵啦！最估唔到係海鮮餐啲菜式同報名時一樣，冇偷工減料，味道又不錯，一枱10個團友都讚值回票價！
南澳係一個漁港，雖然冇咩旅遊景點，但係同小朋友在海邊行吓睇吓風景都唔錯，遠望仲會見到香港嘅東坪洲，相當有趣。如果一大一細參加，連海膽飯、導遊費及保險600元有找，包接送及兩餐，暑假算係玩得過。
行程
7am太子集合上車→8:30am 沙頭角過關→8:45am 轉乘內地旅遊巴→9am 中英街博物館→10:30am 明思克廣場→12nn 南澳午餐→2pm 桑果園→4pm 深圳動物園購物點→5:15pm 杏福樓→6pm 晚餐→7:30pm 羅湖解散
呢個博物館的主題是沙頭角及中英街的歷史，難得大部分展品都不是藏在玻璃櫃中，小朋友可以直接觸摸，增加趣味性，家長亦可藉此灌輸歷史知識。呢個復刻版沙頭角火車頭就最受小朋友歡迎。
呢隻就係前蘇聯航母明思克號，雖然齋睇冇得上船，但係男仔見到咁大隻軍艦一定好開心！
成個下午都係去購物點，但其中只有專賣杏仁餅等手信的杏福樓值得去，仲冇限量試食，小朋友一定最開心。但佢啲杏仁餅甜得滯，反而肉乾相當好食，值得買來氹囝囝囡囡！
玩後感
此行非常輕鬆，行程安排又唔趕，返到羅湖都不過晚上7點半。雖然全程都有3個購物點，但勝在唔會逼你買嘢，都可以接受，最岩想輕輕鬆鬆嘆番日的人。
景點設施：★★★
抵玩度：★★★★
合家歡：★★★★★
交通：★★★★
導遊態度：★★★★
（以5★為最高）
旅行團資料
中英街博物館、明思克廣場、南澳美食一天團
主辦：油麻地旅遊
團費：星期一至五$139，星期六$176，星期日$169
（大小同價，另加小費$50，旅遊保險$17）
[
本帖最後由joan_minako 於2008-8-122:17編輯]
