後備上陣的港隊後衞羅意庭（紅衫）上陣20分鐘攻入7分，最終協助港隊以8分之微擊敗台啤。陳耀麟攝
【本報訊】海峽盃籃球賽昨日上演台啤與香港大戰，港隊爆出小冷門以83:75勝出，今日將與福建潯興爭奪冠軍。但昨日最令人意外，反而是場外的球迷；無論人數及熱情程度，台啤球迷均遠在港隊之上，令灣仔修頓室內場變成了半個台啤主場。
台啤球迷以橫額、國語打氣聲、尖叫聲不絕於耳。反觀香港只有幾位球迷帶來橫額及鑼鼓助威。
今場賽事台啤主力吳岱豪因傷只上陣7分鐘，令台啤籃下優勢大減，另一正選後衞陳世念更未有上陣，港隊潘志豪攻入全隊最高的17分，下半場一度領先16分之多，最終以83:75擊敗台啤，今日將同日以73:61輕取澳門的潯興爭奪冠軍。賽後港隊教練朱耀明說：「今場外圍明顯改善，打出賽前部署，當然亦多謝球迷打氣支持。」
昨日戰果及今日賽程
昨日戰果
台啤75:83香港
福建SBS 潯興73:61澳門福建體育會
今日賽程（賽事採單循環制）
12:30pm 澳門福建體育會 對 台啤
2:45pm 香港 對 福建SBS 潯興
5:15pm 頒獎典禮
（無線翡翠台2:55pm 直播香港對潯興）
地點：灣仔修頓室內場
所有門票經已售罄
《花絮》
前港代表做講波佬
無線今次直播，除咗keyman 之外，前港隊成員梁國成（右）亦有份講波，佢都話第一次講波好緊張，冇乜「甩漏」已經覺得好成功。
頭場打完球迷即走
噚日場波係最早賣晒飛嘅一日，球迷當然係為咗台啤對香港呢場大戰啦！但完咗場之後，好多球迷都走咗冇睇到尾場潯興對澳門，搞到班球員打波都提唔起勁。
台啤球員愛蒲「老蘭」
台啤今次難得嚟到香港，當然四圍遊下，據講前日同噚日都去咗蘭桂坊「蒲」，如果球迷有興趣，今晚可以落「老蘭」撞下佢哋，話唔定可以見到偶像有意外收穫呢！
