太陽眼鏡是明星的恩物，除了令他們更型更酷更具時髦風尚外，還可增添星味，難怪型女鍾舒漫（Sherman ）在家收藏近百副款式不同的太陽眼鏡，她與太陽眼鏡設計師Tommy O'Gara 齊齊分享今季太陽眼鏡熱潮，透過Q &A 教大家盡展個人魅力！
T ：Tommy O ’Gara S ：鍾舒漫
S：入行後太陽眼鏡成為我出門必備，眾多款式中我最鍾意戴懷舊式烏蠅鏡，亦收藏最多。戴太陽眼鏡唔單只可以遮陽光，仲方便唔使工作時令皮膚同雙眼可以休息，其實今年係咪仲興懷舊烏蠅鏡呢？
T ：太陽眼鏡之中以懷舊烏蠅鏡最受歡迎，尤以60至70年代懷舊款式，混合搖滾風格，男女都適合，加上烏蠅眼鏡能令女仔面形顯得瘦削啲，難怪大受亞洲女仔歡迎。
S ：係呀，我覺得如果塊面細嘅就唔應該戴太大嘅太陽眼鏡，塊面長同闊就戴大啲都唔怕，面形同太陽眼鏡款式應該點配搭？
懷舊款式長青
T ：懷舊款式係長青嘅，每一季都會興，最
面圓、babyface 嘅人戴，線條幼嘅金屬鏡架就適合面形較長嘅女仔，顏色方面，選戴紅色鏡片，光線反射喺塊面上會呈現泛紅，有好似搽咗胭脂嘅效果。
S ：哈哈！係呀，我平時戴太陽眼鏡都係鍾意戴啲冇咁深色嘅鏡片，可以睇清楚對眼，冇咁大距離感，令人覺得友善啲！不過，我覺得有時揀太陽眼鏡都幾難，因為亞洲人鼻樑唔夠外國人高，有啲款式會好難carry ，你有冇特別為亞洲人設計嘅款式？
T ：係呀，所以DITA 嘅設計非常重視「框架角度」同「鏡片弧度」，十分適合亞洲人佩戴，務求令客人戴得舒適，我會用最高質素嘅物料，好似鈦金屬、18K 金、白金及日本框架物料。
S ：我一向鍾意粗嘅鏡臂同埋有閃石元素款式嘅太陽眼鏡，你會唔會特別花心思喺呢方面？
T ：今季我都係重視鼻樑位設計同喺物料上花心思，所以鏡臂款式以簡單及幼身為主，但我都會考慮你嘅意見，嘗試喺下季加入你所講嘅元素，設計多幾款有特別鏡臂嘅款式。
眼鏡鏈有妙用
S ：哈哈！好呀，咁我就拭目以待啦，呢幾條眼鏡鏈好特別呀！
T ：係呀，銀眼鏡鏈款式適合晚裝同便裝佩戴，皮繩款式仲可以當作褲鏈，男仔都
，有時你可能要除低副太陽眼鏡，咁條眼鏡鏈就可以用嚟掛住佢，唔使周圍亂放，咪可以防刮花鏡面啦。
S ：係
，我有好多副眼鏡，媽咪仲特登車咗個有好多格嘅袋畀我，唔會刮花之餘仲方便我一出門口就拎到添。
Tommy O ’Gara profile
DITA主腦Tommy O'Gara 是品牌的老闆，曾留學及定居日本，能操流利英語及日語，品牌推出後即獲荷里活巨星Brad Pitt 、Angelina Jolie 、Jennifer Lopez 等支持。O'Gara 的設計特別適合亞洲人佩戴，名模熊黛林、潮人麥浚龍都是其擁躉。
保養有法
如太陽眼鏡鏡片表面沾上油污、灰塵或異物，切勿直接以紙巾或乾布擦拭，以免刮花鏡面，應以清潔劑及清水洗乾淨，之後以眼鏡絨布或面紙輕輕擦乾，再用絨布將太陽眼鏡包好放入眼鏡盒內保存。太陽眼鏡不要放在高溫環境中，以防受熱而損壞。另外，太陽眼鏡的鼻樑位及鏡臂角落邊緣有污垢時，應以牙刷沾清潔劑及肥皂刷洗。
採訪：Sum 攝影：吳文聰
鍾舒漫身為型女，家中珍藏近百副太陽眼鏡，方便出街配襯。
鍾舒漫對不同款式的眼鏡鏈愛不釋手。
Sherman 示範不同款式的眼鏡。
Sherman 示範潮用眼鏡鏈。
