引用:
原帖由 doh 於 2008-6-13 17:29 發表 
多謝你解釋得咁詳儘
我想問一D關於窩輪問題.
認沽証及認購証都係有到期時間.
咁係咪可以响到期日前沽左去?
點買架? 係咪好似買正股咁, 輸入號碼及股數就得架啦?
:smilies32 ...
大多數人都會在到期前沽出....
最後有幾日係定左唔比買賣的, hold 到尾有少少風險, 當然, 富貴險中求 , 亦有人會等埋計數的.
如果你唔需要自已去估個價既變化, 好多野都唔駛理, (其實, 輪商開價, 合法既 range 好大, 都幾難估), 就咁當正股買就得.
不過, 你要留意下隻野既到期日同埋行使價, 自己估下到時番到價既機會大唔大.
如果就快到期, 而個期又差好多既, 除非你好有信心, 否則 0,01 都唔好掂.
到期既時候, 如果你未沽出, 就唔會再理你最後收市既價, 只會用正股價同行使價對.
如果係 call 輪, 只要行使價低於現價, 就有錢分....分幾多就睇你買左幾多, 同埋比率多少. 否則就一個仙都無.
同樣, 如果係 put 輪, 只要行使價高於現價, 就有錢分.
如果就快到期, 好多機會 hold 到尾的話. 就一定要計清楚個價, 因為你比既錢, 只係買左一個權利, 唔係任何實在既野, 無錢退的.
就算行使價對完真係有錢分, 都唔一定會多過你買入呢個權利所比出既錢.
行使價 低於現價既 cut 輪, 只係有錢分番比你, 唔代表就一定賺錢.
所以, 到期前賣出就易睇得多了, 唔理手續費, 升左就係賺, 跌左就係蝕.
