呢排俗稱機頂盒 數碼廣播接收器巿場都風起雲湧。本地薑Pixel Magic 前日包 IFC 戲院其中一個House ，介紹佢 全港首部高清電視硬碟錄影機MTV 5000。咁大陣仗，小藍當然到場試機啦。
Pixel Magic 以性感女模介紹其高清電視硬碟錄影機。
500G 硬碟錄85小時
Pixel Magic 總監崔釗偉(Nelson)話， 家 機頂盒錄影要外置USB 硬碟，操作麻煩，錄影穩定性麻麻。佢 研發內置數碼廣播接收器 錄影機MTV 5000先至係主流，500G 硬碟錄到85小時高清節目，錄影質素比USB 好，仲有埋MHEG 5互動功能。
Nelson 話，部機賣點操作簡單，一按式錄影功能、七日電子節目表，又可以將錄 節目按喜好分類等。小藍見到部機又幾user-friendly ，但價錢又點先？Nelson 話部機賣4,980蚊（嘩，都幾貴喎！）
影音專家Alan 認為MTV 5000都係過渡產品，最終版本應該係藍光碟數碼廣播錄影機，以燒碟 形式先至真正保存到高清節目，「部機係有500G ，但都會爆滿，再錄番外置USB 儲存，咪又係行返舊路。」Alan 話， 家機頂盒 錄影質素都幾好，加埋外置USB ，2000幾蚊搞掂；MTV 5000優點係操作方便，最 師奶用，但賣成5,000蚊，消費者應按需要自行選擇。
