回復 Cathy31127766 5# 的帖子
如果真係一定用閒錢黎玩, 咁玩牛熊證 or 窩輪 仲好. 本少利大 (買中既話)
只要你真係控制到只用閒錢, 就唔會入肉喇, 又唔駛攞咁多錢出黎, 結果都係差唔多.
例如你用 100 萬買正股, 同你用 10000 買大約 10 倍比例既牛熊證 (自己計下大約比例既).
如果正股升到 110 萬, 你買牛熊證一樣有 10 萬收.
如果正股跌到 95 萬, 你買牛熊證一樣係輸 5 萬.
如果正股跌到 90 萬, 你買牛熊證就輸哂 (但 R 證就唔駛輸 10 萬).
如果正股跌到 PK, 得番 70萬, 你買牛熊證都只係會輸盡都係 10 萬.
只要比例控制到, 牛熊證有自動止蝕既功能, 唔會輸出過你預期既數. 而且又唔駛大那那攞 100 萬出黎, 就可以玩 100萬正股既波幅. 你話幾好呢.
牛熊證最大既問題, 只係個市突然大上大落, 回收左就無仇報.
當然, 唔係隻隻股都有證玩, 亦都係佢既唔好處.
否則, 除左有息收, 真係睇唔出買正股有乜野比牛熊證好既地方.
諗諗佢喇.....
記住, 要控制自己用黎玩既成本. 唔好訓哂身落去, 玩閒錢, 預左可以一野無哂.
咁樣, 就輸左都唔會太大傷害.
