沈大師係散戶最愛股評人
每逢年尾好多回顧同選舉出爐，最近網民亦搞個「2007年度你最喜愛的股評人選舉」，雖然呢啲選舉冇乜代表性，不過可以趁呢個機會睇吓網民嘅選擇。個個候選人對大家嚟講一定唔會陌生，好似亨達研究部董事黃敏碩、瑞銀證券董事總經理陸東，以及資深股評人陳永陸等都榜上有名。
截至截稿為止，以英皇證券（717）研究部主管沈振盈（圖）以7票領先，得票率達兩成，大幅拋離得票第二多嘅陸東，同埋出過唔少投資書嘅投資專家林森池，兩人各得4票得票率近一成。網民chun@2006話支持沈大師喺因為「佢令英皇股價急升」。
縱橫證券界十幾年，喺今年9月重返英皇證券嘅沈大師，原來已經係第三次返英皇，對於再次回巢，佢話覺得係英皇「湊大佢」，所以笑言「值得食嘅回頭草唔怕食」！投佢一票嘅網民，唔知係咪欣賞佢念舊呢！
今日蘋果刊登:<沈大師係散戶最愛股評人>，大家應同嗎?
