有玩輪嘅朋友都應該曾經遭遇過被輪商屈機，最常見嘅招式莫過於隨意升降引申波幅。
比起呢度聽過嘅經歷黎講，我嘅經驗唔多，所受嘅委屈亦唔算多/大。其實選輪嘅時候的確要細心比較，咁樣被呃嘅機會已經可以減低d。
當然，有人話願者上釣啫，唔玩輪咪唔駛被輪商屈囉。但係炒輪回報可觀，又豈可斬腳趾避沙蟲呢，唯有冷靜d，做足d功課先郁手啦。
在此希望了解下大家對各家輪商嘅意見，美名/臭名都可以唱開佢，等中招嘅人數越來越少。
其實冇輪商唔奸，分別在於有冇做得太盡太出面啫。以我個人經驗，荷銀同雷曼都OK；比聯同法興就經常改引申波幅黎壓價；花旗、高盛同瑞銀個朵太勁，直情嚇到我唔敢買。
請大家投票予「最不滿意」的輪商。
