[足球] 四強頭炮唔輸得飛腳鹿角講「和」

2007年10月10日

　　縱使大阪飛腳早前在日聯五比一大勝鹿島鹿角，今午在日聯盃四強首回合亦佔有主場之利，惟鹿角近期卻有回勇之勢，飛腳要藉主場之利佔得先機有一定難度。況且，鹿角近年造訪飛腳戰績不俗，今仗可保不敗，一於敲雙方以和為貴。

　　大阪飛腳近況尚且不俗，近六仗錄得四勝一和一負；惟該隊近來在主場卻發揮失準，之前四次「地頭」出戰只得二勝二負而已。

　　而且，飛腳在今季日聯盃主場出戰亦表現反覆，四場主場賽事亦不過一勝一和二負，主場表現未算穩陣。

　　補飛大盤財路

　　另一邊廂，鹿角近期表現回勇，近五仗更有四次奏凱，最近作客廣島三箭亦小勝一比○，在客場賽事重響勝鼓。

　　雖然鹿角在八月底日聯賽事中，於中立場慘負飛腳一比五，但其實鹿角近年與飛腳交手成績並不失禮，之前六次對賽亦取得二勝一和三負。若從鹿角造訪飛腳的近績來看，鹿角近六次作客便取得三勝一和二負，表現比東道主更為出色。

　　既然雙方近況相若，而鹿角作客飛腳亦不落下風，這場聯賽盃四強首回合賽事和波味道極濃，敲和相當穩陣。同時，由於鹿角近期作賽進攻表現不俗，只是後防略嫌不太穩固，估計兩隊入球亦不會少，不妨「補飛」支持入球大盤。