有錢佬」畍「一姐」百萬包起「夾萬」三層K房呢個世界真有人窮到用一毫子都要諗過度過，有啲人為咗
個女人開心，可以係咁意用一千幾百萬食餐飯、或者求其買粒爛鬼「玻璃」仔，你哋話係咪好唔公平啊？
因乜媽咪姐會發咁大牢騷？
，呢啲唔係牢騷、亦冇話妒忌，只不過咁啱聽到朋友講開先有感而發啫。
事緣媽咪姐有個寶島朋友嚟咗香港玩幾日，媽咪姐陪佢去唱吓卡拉OK ，個friend 就順口
咗單發生響寶島嘅八卦嘢俾媽咪姐聽。佢話舊年「有錢佬」追「一姐」呢單嘢絕對唔係流料，係堅過石堅，而且「一姐」又真係受落。梗係啦，就算唔睇個樣都睇住有錢佬嗰副身家啦，況且「有錢佬」個樣又過得去？寶島friend 仲爆料，話有次「有錢佬」陪「一姐」去西門町嘅「夾萬」唱K ，同場仲有幾個都係寶島富豪。西門町嘅「夾萬」足足有十層樓高，一層樓有廿幾間房，全部係私家房，有埋洗手間嗰隻。不過，「有錢佬」為求私隱，兼乘機響「一姐」面前顯吓殷勤，竟然一包就包咗最高嗰三層。其實，佢哋只佔用最頂樓其中一間房，只有去到同走人時至出房門，使唔使咁誇？連埋酒水美食，埋單計數，成百幾萬港幣。
唉，紂王火燒摘星樓只為博妲己一笑，「有錢佬」使成百萬
「一姐」又為乜呢？
