亞視主持黃麗梅舊年9月開始，用咗17,500蚊喺沙田租咗面積約1,200呎嘅碧濤花園，同蔡少芬及陳法蓉做鄰居。
收回自置物業
前亞姐張家瑩（左）早前力斥黃麗梅，事後又斟茶認錯。資料圖片
黃麗梅話自己當日係以公司名義簽咗一年租樓生約，但租約上列明雙方達成協議，租客可隨時喺兩個月前向業主提出退租，黃麗梅咁岩收回喺碧濤花園嘅另一個自置單位，於是佢上月向業主提出下月中退租，點知業主唔制，黃麗梅佢仲話前日受到電話騷擾，佢早排先俾前亞姐張家瑩指責，難怪自嘆鼠年黑到痹。黃麗梅前日接到業主留言，佢話：「業主喺我手機留言，兇神惡煞，佢話如果我唔講清楚件事，又話要寫信去報館同電台，又話唔信我身為公眾人物衰得起喎。我覺得租約內列明可以中途退租，我承認只係租咗5個月係好短，但我哋雙方有協議，咁岩我另一個單位收番，自己有地方住先退租，我都已經早啲通知業主等佢另作安排，點知佢冇商量。」
已交律師處理
黃麗梅話自己會尊重合約精神，仲話：「我只希望大家心平氣和解決問題，而家成件事我交晒畀律師處理。」對於黃麗梅同業主嘅爭拗，律師黃國桐就話：「如果業主同租客喺租單上有協議就必定要遵守，至於業主過句『衰得起』，當中可以好多含意，只要冇構成威脅人身安全就唔算恐嚇。」09年開始咗唔夠一個禮拜，馮仁昭希望佢哋以和為貴，唔岩講到岩。
黃麗梅最近因為想提早退租而同業主有爭拗，佢自覺鼠年是非多多，希望衰氣快啲過。
from
http://appledaily.atnext. ... art_id=12048550
