李錦聯提余少寶：佢幾鍾意我
[img]http://static.apple.nextmedia.com/images/apple-photos/apple/20161216/large/16ec2p11.jpg[/img]李錦聯稱當年與余少寶（小圖）互有好感。
李錦聯二十一年前與93年港姐季軍余少寶影過扮半裸的封面，之後傳出緋聞，日前他接受本報專訪時提起當年情時說：「余少寶就好好笑嘅，我哋嗰陣一齊喺《都市閒情》主持節目嘅，我覺得佢都……幾鍾意我嘅！」問到跟余少寶有否拍過拖呢？李錦聯清一清喉嚨說：「我諗佢係想嘅。」
何解未有再進一步發展？李錦聯說：「我覺得呢個圈嘅女士，多數都有種諗法，有個好嘅男朋友呢，就乜嘢都靠曬佢，其實我唔敢。」之後他補充一句：「佢個人都好nice嘅，大家都有啲好感。」
採訪：王梓嫚
攝影：陳順禎
from:[url]http://hk.apple.nextmedia.com/entertainment/art/20161216/19866613[/url]
老婆火爆李錦聯：試過拆晒間屋啲嘢
煮餸講求食、香、味，同樣，男士嘅外表亦需要講求包裝。眼前50有7嘅李錦聯，無論皮膚狀態同外型身形，頂多40出頭，要吸引異性，唔難！睇番李錦聯過往新聞，唔計同大王安德尊嘅是非，桃色新聞佔一半，5年前，李錦聯同當時女友Rachel，因打鬥仲上埋港聞。對此，李錦聯淡淡然話：「其實邵敏婷(Rachel)係好女仔，係脾氣大啲，試過黑麻麻兜巴摑我面，而我哋相處最大問題，係我返日頭佢返夜晚，久而久之，就成日有磨擦。嗰晚我上去執嘢走，佢唔俾我走，拎住我部電腦『嘭』一聲就飛落街，我話『死啦，你上次已經擲咗部電視落街，擲親人點算』，我報咗警，警察嚟之前，同佢有啲拉扯，雙方有抓痕。之後我哋嘗試靜落嚟睇吓相唔相處到，但結果都係唔得！」
同Rachel分開後，李錦聯就識咗現任老婆Winnie，13年結埋婚，據李所講，老婆性格同樣火爆。「做我呢行，會接觸好多異性，有啲女仔主動拖我手，俾人影相放上facebook，老婆實會拆晒間屋啲嘢，最後我同佢講，大家都幾廿歲，光輝時間唔多，唔好為小事咁緊張。」
據李錦聯講，婚後老婆同佢約發三章，規定「門禁」時間。「佢話日頭我做乜唔緊要，唔好俾佢見到就得，總之夜晚12點前要返到屋企交人，佢俾我一年申請兩次可以超過12點返屋企，我今年用咗1次，問佢淨返嗰次可唔可以帶到下年，但佢話唔得！」
命中注定要俾惡妻馴服嘅李錦聯，就話同老婆相處之道，除咗互相體諒磨合，最重要大家口味一致。「我哋好鍾意食牛，會周圍搵靚嘅肥牛食，佢又好飲得，每晚食飯，一個女人仔，可以飲支半嘅威士忌，我就飲紅、白酒，兩公婆邊飲邊食傾吓偈，不過o依家命仔緊要，所以都勸佢轉飲wine！」
from:[url]http://hk.apple.nextmedia.com/entertainment/art/20161216/19866631[/url]
李錦聯想孖鼎爺賣滷味
[img]http://static.apple.nextmedia.com/images/apple-photos/apple/20170201/large/01ec4p31e.jpg[/img]李錦聯前晚擔任陳喜蓮（左）喺文化中心舉行嘅演唱會司儀，黃夏蕙同張立基就做嘉賓。約滿無綫嘅李錦聯話嚟緊會去福岡旅行，聽日就會同「鼎爺」李家鼎一齊拍食品廣告，廣告口號有「問李點鼎」同「鼎李唔順」。
問李錦聯會唔會同鼎爺合作搞食肆？佢就講笑話要賣滷味同燒味，個名叫「鼎李滷味」。佢又主動講傳不和嘅安德尊，話今年唔使派利是畀佢。
撰文：馮仁昭
from:[url]http://hk.apple.nextmedia.com/entertainment/art/20170201/19913881[/url]
李錦聯搵夏蕙BB試菜
[img]http://static.apple.nextmedia.com/images/apple-photos/apple/20170627/large/27ec2p20.jpg[/img]李錦聯（左一）最近同朋友合資過百萬喺佐敦開海鮮酒家，佢話冇向李家鼎取經：「本來上次搵佢開滷味店，不過俾佢頂完，乜mood都冇晒啦！」咁冤家安德尊呢？佢笑話：「唔好喇，叫佢上嚟又要表演鴛鴦鏟呀！」佢仲搵咗（左二起）劉錫賢、黃夏蕙同喬寶寶試食：「我用希臘橄欖油煮嘅神油燒白鱔畀寶寶食，肥仔賢試紅燒鮑翅同香煎鹹魚，夏蕙BB就試食蒜茸大花蝦。」
撰文：馮仁昭
from:[url]http://hk.apple.nextmedia.com/entertainment/art/20170627/20069470[/url]
頁:
[1]
