傳統禁忌雖知
[u]棺材鋪[/u]開棺材鋪就梗係吉利,主要有兩個禁忌,
1)一定要係日落之前收工,廢事o的遊魂野鬼走入o黎啦。
2)一定唔可以貪得意訓棺材,生人訓死棺,你o地話又幾唔老禮喇,俾錢都唔制啦。
[u]記者[/u]
通常o的意外o既人通常都血跡斑斑,
面目全非o架啦,聽講話記者去到意外現場,
千其唔可以講好核突呀,對死者or 意外者不敬o既說話,
如果唔係佢o地真係會跟住你。
[u]空姐[/u]
以前o既空姐通常都會養龜,
寓意『歸』來o既意思,
因為好多時佢o地身在外地,客死異鄉就唔好啦。
[u]理髮鋪[/u]
中國傳統,鏡不祥也,
如果你唔小心打破鏡,我外婆話衰一年。
所以舊o既理髮鋪收工之前,
都會將毛巾衿住哂所有o既鏡先會收鋪。
就係廢事俾o的鬼走入去。
[u]警察[/u]
我諗好多人都聽過喇。
就係無論點都好,晚上巡邏,千其唔可以除帽。
所以你o地睇佢o地追賊都係按住頂帽去追o架。
點解關頂帽事？
聽講話帽頂頂花,好大殺氣,無鬼夠膽攪你。
仲有就係係凶殺案現場,都會莊住香先。
等被害o既『人』幫o下手,
等佢快o的尋冤得雪。
[u]演員[/u]
如果演員要拍死o既戲,
拍完之後就一定要囉利是,
囉o既時候導演仲要同你講,『做戲o既o者』
廢事o的鬼信以為真,咁你就大件事lu
[u]導遊[/u]
帶團通常最多時間同團友一齊o既時間
就係係架巴士度。
係巴士度,導遊就梗係吹o下水,唱o下歌,講o下鬼古。
但聽講話如果去緊一間酒店o既行程,
就唔可以講o果間酒店o既鬼古。
因為o的酒店閑閑地幾百年歷史,
覺得你對佢不敬就唔好啦。
[u]搭棚[/u]
唔好睇小依個行業呀,好多裝修重建都係要搭棚o架。
搭棚師傅成800蚊一日,開足工幾皮o野一個月o架。
原來搭棚o既竹,分新竹同舊竹。
所有臨搭棚o既竹,都要莊香拜過1日1夜先可以上棚。
如果唔係就好容易會有意外咁話。
[u]巴士司機[/u]
好似係車廠出車之前,響一次大『安』
目的都係叫o的朋友仔落車,
俾o的晨光第一線照親就唔好啦。
[u]救生員[/u]
老一輩o既救生員,都覺得有人遇難,
除o左泳術唔掂之外,都會覺得係水鬼作怪。
如果佢o地救o左一個人上水,就算真係無o左氣都好,
都要係佢o地耳邊不停講,
『你未死o架,你都未斷氣,快o的醒番之類o既說話』
目的就係想等o的水鬼信以為真,離開遇難者。
咁佢o地就可能會救得番。
[u]騎師[/u]
騎師o既禁忌呢~~~
就係騎師裝束上任何一樣o野都唔可以『掛』,
尤其係對掛靴,
掛靴即係退役,離開馬場也。
聽講話幾年前有個好出名o既騎師唔信邪,
掛o左對靴,之後一落埸隻馬突然癲o左
個騎師跌o左落馬,斷o左條大骨
從此係馬場上拜拜。
[u]仵作[/u]
乜o野係仵作,仵工？
o拿,每當o的人死o左,都有人o黎收拾條『咸魚』o架
仵工,就係o果o的咁偉大o既人。
佢o地仲有一樣o野做,
就係將o的舊o既『咸魚』係棺木度囉起上o黎,
削骨去肉,之後去入金塔呀or 入火化,
再放係骨灰堂恭放。
o的咁敏感o既行業,細o既禁忌講三日都講唔哂
咁我不如講個最緊要o既禁忌俾大家聽。
就係無論點都好唔可以唔見o左『人o地』身體o既任何一塊骨。
如果唔係就會得到同樣o既報復。
我個朋友話,
有個仵工唔小心唔見o左『人o地』個下巴。
又唔向『人o地』講『對唔住』或『唔好意思』,
之後一個星期發生交通意外,成個身一個傷口都無,
剩係撞甩o左成個下巴,你o地話得唔得人驚？
我聽到心都寒哂~~~~~~~
[u]黃大仙解籤佬[/u]
其實依個行業o既禁忌,我真係覺得幾無聊,
之不過搵o左就順手打出o黎,
各位大佬千其唔好串我,因為唔關我事o架。
黃大仙解籤佬o既禁忌,
就係唔可以講大話,
就算有個病到半死o既人,求到健康o既下下籤,
都一定要講出真相,依籤直說
如果唔係就會應驗係自己度。
聽落我覺得似係專業操守,多過係禁忌。
[u]漁民[/u]
十個漁民十個都信天后,希望風條雨順。
初一十五食齋呀,依o的我諗個個都會知。
但係佢o地有一個禁忌,
就係如果捉到一種叫做『車輪魚』o既魚,
一定一定要掉番落海放生,
聽講話捉到都已經會行衰運,
如果唔信邪,分分鐘連命都無。
所以係街市,
大家從來都未聽過依種叫『車輪魚』o既魚,
就係咁解喇。
[u]的士司機[/u]
其實依個禁忌,我諗依家搵食艱難,
已經變得再唔係一個禁忌,
寧願無錢定見鬼,我諗宜家真係驚無錢多o的。
佢o地o既禁忌就係唔想駕入掘頭路,
驚有入無出,好容易掉頭o既時間見到污漕o野。
之不過好多司機,驚無貼士,
已經唔會再信乜o野禁忌!
頁:
[1]
