歌手吳若希又放閃，跟闊少老公的巴黎婚照首曝光！穿上通花喱士婚紗的她和老公煙韌到暈，更爆老公當街用體溫送暖，兼任由她「生劏放血」。不過講到派利是就精打細算，力保老公荷包。
有相為證，Alex真係將吳若希攬到實一實。
「幸福人妻」吳若希（Jinny）去年4月為澳門闊少男友Alex誕下愛女淼淼後，同年10月10日註冊結婚，之前豪花40萬到巴黎10日影婚紗相，穿上白色喱士婚紗的她幸福滿瀉，在巴黎鐵塔下和老公擁吻及擺心心甫士，就算穿上便裝，兩人也攬到實一實。
偷偷買手袋畀老婆
首次踏足巴黎的Jinny昨日受訪時，分享拍婚照的甜蜜事：「我影得一套婚紗，其他衫比較單薄，嗰度天氣都好凍，老公就全程攬住我，用佢件大褸包住我囉。」除拍照外，兩人還「食好西」和拍拖購物，提到當地名店林立，可有劏到老公「一頸血」？她晒命稱：「佢自願，任我劏o架！佢成日叫我去Shopping，我睇中啲手袋，但怕行另一間有更抵嘅，就唔買住，點知佢偷偷買咗啲我試咗好耐，但又冇買嘅袋畀我，我都多謝佢嘅。」
派利是有策略
今年是Jinny首年以人妻身份派利是，問到是否已準備豪派大利是，她笑言囡囡淼淼亦是第一年𢭃利是，會化身「精明師奶」：「我已經有策略同朋友講晒，就係我派雙封，而囡囡收番單封，但利是錢係同等，咁就唔會蝕！」
吳若希狂晒幸福，大家都畀你閃盲喇！
吳若希同老公大擺心心甫士，Sweet到爆！
吳若希與老公在巴黎鐵塔下擁吻，煙韌到暈！（黑白圖片）
揚言今年正式回歸香港樂壇的她將搬回香港：「本來同老公『暫時分居』，但佢唔捨得我，我又唔捨得佢，所以佢會跟埋我返香港住，或者我會喺香港買個大啲嘅單位。」而囡囡就港澳兩邊走，更指她媽媽最開心可常見外孫女。另外，Jinny近日曾向朋友呻食欲不振，情緒低落，令人擔心其情緒病復發，但Jinny叫大家放心：「我冇事，只係氣管敏感，唔想食我都會照食嘢。」
文：音樂組
老公錫到燶吳若希巴黎婚照曝光有老公錫到燶的Jinny真的好幸福！
吳若希被夫家錫到燶，又有個超萌囡囡，坦言好幸福。
結婚、生女同年進行的吳若希（Jinny）趁寶貝女Giselle戒了人奶，即和老公何兆鴻（Alex）飛到到巴黎和巴塞隆拿補都婚紗照兼補度蜜月。
網上圖片
披上婚紗的Jinny挽住老公Alex的手臂在巴黎鐵塔下取景影婚照，雖然婚紗無Deep V，但貼身效果令其好身材浮現，她笑言：「Giselle三個月大就冇食人奶，我停奶後就冇乜胸嘞，冇乜條件Show身材。」
披上婚紗的Jinny挽住老公手臂在巴黎鐵塔下影婚照。
Jinny早前都分享過都婚照的側拍。（網上圖片）
Jinny透露今次影婚紗相預算很大，超過40萬港元，加上囡囡年紀太細不宜遠行，所以除了特意安排陪月回歸照顧心肝寶貝外，老公還包起了化妝、髮型、經理人、Styling和攝影師等的機票連住宿，更豪花七萬港元買了一個名牌手袋送給她，她大笑說：「呢份禮物冇乜特別意義，我哋諗住買咗先，唔啱咪轉手囉，我哋兩公婆成日諗呢啲搞笑賺錢方法㗎啦，但老公話第一次喺歐洲買禮物送畀我，叫我Keep番，咁我都幾鍾意個袋。」
兩公婆去歐洲十日，Alex花了超過40萬港元。
Giselle摸着的就是Alex在歐洲送給Jinny自Hermes袋。
其實這次的拍攝Jinny只想隨意，所以一切交由Styling安排，出發前只試過身，婚照效果算幾滿意，「因為兩公婆都唔太鍾意咁公式，平日台慶大節日着好多晚裝都冇乜感覺，佢仲搞笑，只係鍾意運動服，討厭着禮服，所以今次都係以casual wear為主。」
兩公婆在歐洲街頭隨意拍攝。
目前Jinny已經「收爐」，情人節還會連同老爺奶奶，舉家到福建家鄉探親，可想而知Jinny婆媳相處得好好，兩老都很疼錫她。她又笑住自爆老公提前送了名牌手袋給她做情人節禮物，令她好驚喜：「唔係晒命，我同佢講過可唔可以唔好再買手袋畀我？呢啲唔實用唔保值，送金都OK。雖然心都甜，但都覺得有啲嘥錢。（咁送乜畀佢？）我送成個人同埋個女畀佢仲唔夠咩？」
網上圖片
另外，Jinny在新年後會留港發力工作，到時兩公婆將暫時「分居」，相信小別勝新婚，他們會更恩愛。
