歌手王灝兒（JW）昨日出席商場迎新春活動，她透露農曆新年計劃與男友旅行，因工作行程排滿，預計只得4、5天假期。問到是否不夠時間去歐洲？她坦言只是去鄰近地區，旨在放鬆心情。問到新春與男友外遊，父母會否呷醋？JW說：「唔會，因為重要日子都會陪佢哋，會同姑姐、大姑丈、大姑媽拜年，所以一定喺屋企。」
JW見到卡通公仔即刻變大細路，嗱嗱聲黐住合照。
提到之前為演唱會成功瘦身，JW說：「都希望可以繼續Keep到，但旅行通常都脹爆返嚟。（男友有冇心痛你瘦咗？）冇喎，為咗演唱會有好效果，佢都有叫我唔好食，佢見我做到成績都替我驕傲，連媽咪都叫我唔好食咁多，繼續Keep！」
JW過年同朋友出埠
王灝兒（JW）噚日喺馬鞍山出席新春活動，佢話農曆新年會同成班朋友去旅行：「初一、初二會留喺屋企過，因為每年都要拜神、上香。」佢仲話唔會為咗減肥唔食賀年食品：「蘿蔔糕一定要食，盡量keep吓啦。」
JW話自己好有信心有需要嘅時候可以減得番，之前為咗演唱會收身成功，就連男友都好開心：「佢好為我驕傲，之前都有叫我唔好食咁多，不過過咗演唱會就冇。」
撰文：馮仁昭
