行街教仔嘅麥家琪，沿途一副火滾樣。
係娛圈咪神始祖嘅麥家琪，06年結婚就淡出娛圈，相夫教子，最近就參加ViuTV嘅MMA真人騷節目，算係蒲番頭。好生養嘅佢生咗兩仔一女，大仔同次子分別為十歲同七歲。
早排麥家琪帶住兩個仔去淺水灣玩，唔知係咪兩個仔駁嘴，見佢教仔一副勞氣樣，虎媽咁款。雖然俾阿媽噴兩句，但佢兩個仔都乖乖跟喺後面行，麥家琪嘅虎威，完全鎮得住！
跟手一爆，當街教訓兩個仔，由前面鬧到後面。
勞氣教仔，有邊個媽咪未試過，最緊要收火快。會合朋友後嘅麥家琪，即刻變四萬笑容。
近日佢答應ViuTV上MMA真人騷節目，早排仲跟大隊去日本集訓，相信到時呢位學過泰拳嘅虎媽，打得夠狠。
撰文、攝影：娛樂組
勞氣教仔麥家琪虎媽上身
