【企門口】
鄭大班日前喺銅鑼灣嘅商場內等太太揀衫，自己一個人企喺門外玩電話。
現年71歲嘅鄭經翰同81年港姐冠軍勞錦嫦結婚30年，一直十分恩愛，兩公婆日前喺銅鑼灣拍拖行街，勞錦嫦喺一間時裝店內全神貫注揀衫，鄭經翰就企喺門外等候，勞錦嫦大約睇咗15分鐘就出嚟，然後兩人齊齊行去停車場取車。
勞錦嫦只係行咗15分鐘就同鄭大班離開。
幫手推門
當年，鄭經翰遇襲受重傷，左腳𠵱家行起路都有啲唔自然，但佢對太太好有風度，經過商場或者車場嘅玻璃門，都會行快一步幫太太推門，好鬼細心。佢早前接受網上傳媒訪問，透露出年會退休，連一手創辦嘅D100都唔會再開咪，佢仲話：「打算乜都唔做去嘆世界，我71歲啦。」
早喺98年，鄭經翰因全力支持政府入市打大鱷，疑觸動利益者，返工途中俾兇徒襲擊，身中八刀，手筋被砍斷，其中雙手同盆骨被斬斷，當年警方同電台分別懸紅100萬元同300萬緝兇，但至今都係懸案。
撰文：馮仁昭
from:
http://hk.apple.nextmedia ... 170815/20121394
