鄒凱光帶小朋友接觸成人世界，上街執紙皮。
鄒凱光繼去年的《同2047特首上學去》後，今年再應ViuTV邀請聯同顏子菲及譚杏藍主持一個圍繞小朋友的新節目《細路玩大咗》，並於明晚開始逢周一至周五播出。
小朋友住劏房體驗生活。
熙熙因為不想住劏房而爆喊，更揚言不想做窮人。
香港游泳健將歐鎧淳教小朋友學游水。
唔想捱窮
節目中，鄒凱光帶小朋友接觸成人世界，包括體驗住劏房、在社區飯堂食10蚊飯、執垃圾、跟歐鎧淳學游水及到泰國了解變性人生活等。不過，小朋友熙熙見到劏房時即爆喊拒入住：「我唔想做窮人呀！」
對於小朋友為住劏房喊，鄒凱光前日在電話中說：「個別啦，有啲小朋友未去到已經喊，問佢喊乜，佢話『我唔想捱窮呀，點解要窮喎？』有啲咁嘅心態。我哋住劏房嘅時候，佢哋又唔係好辛苦，話佢哋屋企間房都差唔多大啫，兩種都有。主要都係放暑假玩吓，唔係真係要佢哋捱苦。」
「好有家教」
說到熙熙為食10蚊飯喊，鄒凱光代澄清說：「我以為佢唔想食平嘢，點知呢個小朋友原來好好，佢話𠵱家好飽，唔想夾硬食，話嘥咗10蚊買個飯，佢買咗人哋冇得食，跟住又喺度喊。佢嗰種真摯係𠵱家啲小朋友少有。初初我哋都以為佢係有錢仔俾阿媽寵壞，去到食10蚊我就改觀啦，佢其實好有家教，唔想浪費。」
鄒凱光笑言以前很討厭小朋友，但今次改觀，他說：「呢班小朋友唔知點解好黐我，一見到我就攬到實一實，去到邊都要拖，甚至男男女女爭寵、爭坐我隔籬，呢種感覺令到我不但止唔憎佢哋，而且一講起佢哋反而有啲掛住佢哋，覺得好sweet。」
採訪：魯吉
from:
http://hk.apple.nextmedia ... 170730/20105765
