身穿黑衣的靚靚明顯清減不少，昨在澳門的店舖開幕禮上與老公Chilam齊聲否認有身孕。
張智霖（Chilam）、袁詠儀（靚靚）與呂良偉昨日在澳門擔任嘉賓，為品牌Franck Muller新店開幕主持剪綵儀式。昨日有雜誌指靚靚造人成功，已懷孕兩個月，以亞太區品牌大使身份到場的Chilam跟太太靚靚早已有備而來，待記者恭喜完畢，靚靚哈哈大笑之際，Chilam笑笑口說：「人逢喜事精神爽，珍珠都冇咁真，雙喜臨門，打孖，佢兩個月，我四個月，我縮肚就縮到窒息。」Chilam解釋可能靚靚之前胖了令人誤會，對於懷孕一事，Chilam仍開玩笑說：「都話係，太美好事情都唔係好真實，好嘅祝福全部都接收咗先。」靚靚表示近排瘦了，除了是工作辛苦之外，跟只吃海鮮及素，戒吃肉有關，反而Chilam就發福了。
Chilam的囝囝慕童（中）今個月中就滿10歲，靚靚表示已過了追生小朋友的心境。微博圖片
Chilam剪綵禮後跟品牌一眾高層祝酒。
「就快到阿仔想生」
被問到會否為本月中滿10歲的囝囝慕童追個妹妹或者弟弟時，靚靚說：「過咗好想嘅時候，我都45歲啦，醫學昌明有時都睇緣份，最慘自己有工作會接，都實行唔到件事，有人問我唔人肉速遞，生小朋友唔係咁簡單。」至於問囝囝有否要求增添家庭成員時，Chilam繼續抵死表現說：「就快到阿仔想生，佢會成日講第日自己家庭會點。」其間Chilam反問太太說：「會唔會真係有咗你唔知呀？」靚靚笑言是過來人不會搞錯。
呂良偉跟太太楊小娟一起出席開幕禮。
此外，呂良偉透露家中收藏的名錶，最貴一隻價值過百萬，而近日負責一個節目，將會自導自演，稍後又會開拍新戲，可能與女主角有親熱戲份，呂良偉說：「做演員拍親熱戲在所難免，太太唔會因為咁呢樣唔得，嗰樣唔得，明白拍戲太保守會做唔到效果，太太從來唔會嚟拍戲現場，佢好放心。」
採訪：卓寶花
攝影：陳俊強
from:
http://hk.apple.nextmedia ... 161105/19823084
