韓國女團AOA人氣成員雪炫公認有靚樣，但佢都試過上節目以素顏示人，但佢平日都一定化好靚妝先見人。
雪炫平日都愛喺Instagram更新相片，佢大前日就上載一張佢自拍照合成圖，不過點睇都唔知平日上鏡嘅雪炫，事關佢仲未化眼妝，令到雙眼好似細咗好多，差啲真係認唔出佢係雪炫來，而雪炫唔知係唔係知道自己呢張相比較趕客，所以上載不久即火速刪相，之後就索性上載只近拍自己個頭，展示兩個髮髻。
原來雪炫同隊友大前日喺日本參加咗「HALLOWEEN PARTY2016」，佢哋就變身靚靚萬聖節女郎，當中雪炫就似扮貓女郎，今次佢就化晒全妝先影相，即時回復靚爆雪炫樣。其實雪炫日前已上載一張淡妝相，因為冇化眼妝關係，令佢雙眼細咗好多，唔少網民都話化妝真係好重要，亦都明白點解有唔少人化妝同落妝後兩個樣。
from:
http://hk.apple.nextmedia ... 161031/19817882
