柳俊江
無綫新聞主播余浩宗，剪髮後被斥「不合規格」，原來過去不少男女主播試過因為髮型問題捱鬧或被要求梳高、按扁、轉色或剪短來配合公司要求。
柳俊江
「每個崗位有基本要求，唔可以想點就點，報新聞喊就唔專業，如果調通宵更就喺鏡頭前發脾氣，都冇資格做呢個崗位。」
蔡雪瑩
「有主播因為髮型要停職都好詫異，以前都係講兩句，入化妝間執好可以繼續報。我年代入職通常會被要求剪短髮，老細覺得剪短髮會較成熟有公信力啲，而男仔就要梳到個頭平實啲，睇上去要穩重。當年我有試過頭髮太黑，上司話似假髮或頭盔，後嚟要染啡。」
姚雋彥
「老細對髮型有統一標準，兩旁唔可以鏟青，劉海唔可以遮額，頭頂頭髮唔可以豎起，但我都試過分界將頭髮按扁，但被指太老套。」
陳珍妮
「其實我本書已經講咗有關儀容嘅故事，幫我鼓勵佢（余浩宗），若有真功夫，處處是舞台，希望佢新工作開心，世界好大嘛！」
from:
http://hk.apple.nextmedia ... 161026/19812121
