郭思琳打Hidy唔留力

1^# 大中小 young 發表於 2016-8-5 17:41 發短消息

郭思琳透露搬屋是想多點私隱，不會與男友住。

郭思琳與何紫綸前晚在中環出席慈善活動，有指ViuTV於下月再有格鬥比賽，郭思琳稱未收到通知：「好似計劃喺10月，8月唔係我，唔知資料未落實。」早前模媽余曉彤（Hidy）表示新一季想挑戰她與龍小菌，郭思琳說：「有聽到佢咁講，佢最想挑戰最強嘅唐紫睿（Hazel），都有興趣同Hidy打，好多人讚佢身手敏捷，唔會因為同佢熟而留力，如果真係打傷人，相信對方明白係因為比賽，唔係有心。」

另外，郭思琳透露搬屋訓練獨立，問她會否考慮與男友住？她說：「唔會，搬出嚟住都係想多啲私隱，想專心工作。」何紫綸透露忙調理身體準備生B。

採訪：王連連
攝影：陳慧安
from:http://hk.apple.nextmedia ... 160704/19680167

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-8-23 23:37 發短消息

郭思琳準備跑5K

郭思琳與吳雲甫前晚在中環出席「中環街後跑」活動，郭思琳說：「今次會跑5K，平時都有跑開步，細個跑短跑，大個就跟吳雲甫跑長跑，第一次比賽係跑渣馬10K，做出1小時成績，但暫時唔會跑半馬或全馬。」原來她小學時曾加入排球隊，想過做運動員，不過天資不夠聰穎，到中學就放棄。她又透露最近積極鍛煉身手，為年底的一部動作電影作好準備。

採訪：羅慧敏
攝影：葉君海
from:http://hk.apple.nextmedia ... 160815/19736162

TOP

3^# 大中小 young 發表於 2016-8-23 23:55 發短消息

郭思琳宿霧晒三點式

郭思琳希望將來能在水底舉行婚禮，笑言可省回婚紗髮型等開支。

郭思琳早前與吳雲甫及旅遊達人謝利，應已轉行做市場公關的吳彤邀請，到宿霧太平洋度假村喪玩，眾人游水、潛水、划艇又玩水上電單車，盡情享受陽光與海灘。郭思琳帶備多套三點式泳衣騷身材影相留念之餘，還拍片扮洗頭水廣告模特兒般揈頭髮，見她浸在水中咪起雙眼然後360度揈頭髮，電力十足。

郭思琳指度假村的私家海灘水底建了一個「LOVE」字樣的牌，讓新人舉行潛水婚禮之用，她亦相當感興趣，希望將來能舉行水底婚禮，笑言浪漫之餘只穿一件三點式泳衣便可，連婚紗化妝髮型開支也可省回一筆。其實思琳此行也一嘗在酒店做實習生滋味，行程豐富。

採訪：魯吉
from:http://hk.apple.nextmedia ... 160817/19738959

TOP

4^# 大中小 young 發表於 2016-8-24 00:30 發短消息

Hidy練拳備戰G-1囡囡探班笑騎騎

Hidy日前練拳，獲老公帶着囡囡到拳館打氣。

【ViuTV發圍】免費電視ViuTV今年中開台時播出真人騷《G-1格鬥會》成功造勢，ViuTV將為拳館製作番外篇，10月比賽。《G-1》參賽者中，勝出女拳王唐紫睿（Hazel）、鄧洢玲（阿旦）、黎美言、鄧穎芝和龍小菌先後卻步，暫時只有郭思琳肯再出戰，製作單位於是決定找一個新女與袁嘉敏出賽，並有意再游說阿旦參賽，與袁嘉敏來個終極大戰。

等安排鬥嘉敏

最新消息是袁嘉敏不會上陣，真正落場只有模媽余曉彤（Hidy）、郭思琳和新女，有傳新女是兒童節目《快樂童盟》主持Charlene。據知打算先安排Hidy與新女對打，勝出者再向郭思琳挑機。問到阿旦為何不跟袁嘉敏打MMA，阿旦昨在電話中說：「咁我又唔知喎，等公司安排。」

這次番外篇只有兩集，ViuTV公關部王小姐昨否認電視台慳皮：「呢個絕對唔係《G-1格鬥會》嘅season2，只係一個挑戰賽，由拳館主辦，ViuTV製作成兩集節目，希望呢個挑戰賽發掘更多新面孔。Season2在2017年先會同大家見面，到時會有更多人參與，絕對唔係製作成本cut！」

Willa肉緊地看媽咪Hidy出拳踢腿。

《G-1》是ViuTV的皇牌節目之中，稍後推出番外篇。資料圖片

阿旦自打完《G-1》後熱愛打拳，每周都會練習。

打到師父爆缸

積極備戰的Hidy幾乎天天狂操，日前在facebook貼出打爆師父嘴唇相，並留言：「呢段操拳日子裏面，感到最自豪的事，師父教到徒弟打到師父爆缸。」Hidy沉迷練拳，她的消防員老公Willian日前帶同9個月大囡囡劉頴依（Willa）去拳館探班，Hidy昨日回應：「囡囡見我起飛腳，佢笑到卡卡聲。」

採訪：楊定、魯吉
from:http://hk.apple.nextmedia ... 160820/19743131

TOP

5^# 大中小 young 發表於 2016-10-23 16:50 發短消息

郭思琳巴西柔術作戰

（左起）何慈茵、郭思琳和余曉彤的最終格鬥戰賽果下月有分曉。

今年E-1 World Championship賽車活動包括兩場MMA格鬥，參加過《G-1格鬥會》的郭思琳將接受新人余曉彤（Hidy）或何慈茵當中勝方的挑戰。早前三人在旺角舉行賽前牙骹戰，分3個回合玩跳繩、波子棋及人肉包剪揼，最後各勝一場。

郭思琳自言優勢是有打MMA經驗：「決賽對邊個都難打，我會用地面戰，唔會同佢哋打站立戰，我會施展巴西柔術。」Hidy說：「MMA講爆發力，除咗練爆發力，仲練踢腿。」劉家良師傅徒孫何慈茵認為武術底有幫助，更半開玩笑說：「我預咗整容，整個鼻，所以唔介意俾人打爆。」

採訪：何永寧
攝影：陳慧安、沈健程
場地提供：FFG武術健身中心
髮型及化妝：Niki Chan@N_C Makeup（Hidy）
from:http://hk.apple.nextmedia ... 160930/19785843

TOP

6^# 大中小 young 發表於 2016-10-23 17:46 發短消息

郭思琳增磅爭MMA王后

郭思琳昨日指自己近日特意谷肥兩磅備戰。

郭思琳昨到中環出席E-1 World Championship過磅儀式，為今日舉行的拳賽做準備，她將跟劉家良徒孫何慈茵爭奪MMA王后，着運動型bra top的郭思琳身形甚弗，參加52kg賽事的她，過磅重54.7kg似乎不達標，郭思琳解釋說：「其實我嗰場賽事冇計磅數，之前好瘦食極唔肥，好努力下增加兩磅。」問到有否信心攞冠軍？她說：「上到台一定要有，知道對手學咗好多年洪拳，自己都有啲壓力。」

（左起）羅孝勇、錢小豪及吳雲甫昨日出席拳賽過磅儀式。

羅孝勇就跟吳雲甫對決爭奪75kg級拳王，兩人剝衫赤膊過磅，下身可着及膝拳褲，反而其他專業男拳手過磅就要剝剩底褲，未埋身先除褲現形鬥大鵰！露臍毛的吳雲甫練到手瘀，羅孝勇亦明顯消瘦，更操練到見人魚線，他說：「自己噚日工作，瞓咗五粒鐘起身跑步，都有疲態。」

採訪：卓寶花
攝影：沈健程
from:http://hk.apple.nextmedia ... 161006/19792007

TOP

7^# 大中小 young 發表於 2016-10-23 18:02 發短消息

郭思琳爆缸贏拳賽

郭思琳（右）前晚被何慈茵打到流鼻血。

郭思琳跟何慈茵前晚在中環舉行G1格鬥決賽，郭思琳先後三次被何慈茵打甩隱形眼鏡，三個回合苦戰後，郭思琳最終以點數取勝。思琳昨日接受電話訪問時表示開賽沒多久已經爆缸：「第一回合已經俾打中鼻，甩隱形眼鏡同流鼻血，亦估唔到對手嘅拳咁重。嗰時無明火起，諗住同佢鬥長命搏拳。」

原本打算施展地面攻擊的思琳，最後改以拳腳決勝負，在連環出擊拳拳到肉的情況下，尾段的戰況非常慘烈，最終在苦戰下她以點數取勝，她表示對教練算有交代，而同期教練亦有賽事在身，賽前曾互相許諾要一起贏金腰帶。

採訪：卓寶花
攝影：沈健程
from:http://hk.apple.nextmedia ... 161008/19794447

TOP