盤菜瑩子生日兼出道一週年：有啲驚

對於毛記電視女主播盤菜瑩子嚟講，6月係一個特別嘅月份，除咗係佢嘅生日之外，仲係入行一週年紀念日，今年佢收到一份好好嘅禮物，就係一份健康飲品代言人廣告合約喇！日前盤菜瑩子喺清水灣拍廣告，廣告商仲幫佢準備生日蛋糕慶祝㖭！盤菜好感動咁話：「冇諗過，好意外同驚喜，搞到我有啲感動，如果我冇加入《毛記》電視、《100毛》，我諗一世都冇機會坐低做訪問，可能只係喺電腦mon睇人哋嘅訪問。」盤菜覺得有種重返幼稚園嘅感覺：「有啲驚，雖然有人話外邊世界唔簡單，但我覺得好幸運，大家都對我好溫柔。」人紅是非多，即刻出現拍拖、整容等報導，佢話：「做20年人都冇咁精采過，平時做乜都唔會有人在意，𠵱家舉手投足都會有人講。」

盤菜瑩子喺廣告入面化身女強人，枱頭工作一大堆。

唔少宅男就係死喺盤菜瑩子兩個酒凹上。

被勸唔好亂講

有傳公司會開拍電影，盤菜話只會信少少，如果有機會亦想嘗試。至於腦細林日曦對佢有乜嘢評語？佢話：「佢叫我努力，唔好亂講嘢，我做主播講時事，有時可能會跟車太貼，網上留言會有爭論。當然我會三思而後行，呢樣大家都需要學，學說話技巧同點睇呢個世界。好珍惜𠵱家嘅言論自由，貫徹宗旨、誓不低頭，光環會掉下來。做《毛記》主播，用我哋嘅手法去報導社會事。」

撰文：馮仁昭
from:http://hk.apple.nextmedia.com/entertainment/art/20160620/19660899

盤菜瑩子出書，和腦細林日曦打對台搶生意。

【香港書展2O16】書展前日在灣仔會展開鑼，毛記藝人盤菜瑩子出處女作《如果我在東京不快樂》搶灘，早上10時現身簽書，吸引宅男排隊，她帶備私家簽名筆和印章，又送笑容跟粉絲selfie，有求必應。

【滿足粉絲】

對於粉絲合照要求，盤菜有求必應。

書內有盤菜的床照。

【親力親為】

盤菜在書展攤檔搬書，幫手打點。

校對發現多錯字

首次出書的盤菜說：「心情好複雜，自己又唔係好識字，但𠵱家係白話文世界，可以我手寫我心，希望大家喺文字入面，知道我喺東京幾陰功，啲相有少少似寫真，但着晒衫，最性感係我有床照㗎！」問到校對是否發現多錯字？她坦言：「有呀，同學真係要努力讀書，否則書到用時方恨少。」

東京影封面嘥錢

前日腦細林日曦都助陣打點，雖然今年沒出新書，但有賣舊作，對於跟腦細打對台，盤菜自嘲：「係呀，不過佢多人好多，自己賣得晒枱面呢棟書都開心。」其間腦細更搞鬼寸盤菜：「呢個封面聲稱喺日本影，但大家覺唔覺喺日本？喺中上環影咗都唔知，東京影就嘥錢。」盤菜反駁：「我超級反對腦細無視員工嘅努力同財力。」

問腦細有否看盤菜本書？連問兩次他才沒好氣回答：「我已經冇回應你，有冇留意呀？」言下之意即沒睇，盤菜尷尬地說：「腦細梗係覺得員工可以做得更好嘅。」問有否被盤菜搶生意，腦細說：「梗係有啦，你睇賣得幾好，毛記最紅係佢，我好驚得罪佢。」盤菜笑言下次想出寫真，腦細再寸嘴：「呢本唔係咩，我一直以為寫真先出，原來字仲多過相，啲人出健康寫真，佢可以出病態寫真，感冒、傷風、發燒。」

採訪：皓騫、譚倩宜
攝影：仇志德
from:http://hk.apple.nextmedia ... 160722/19704563

李偲嫣昨於書展舉行簽名會，竟有男粉絲熱情獻吻。

【香港書展2016】正義聯盟黨主席李偲嫣、毛記主播盤菜瑩子、前主播方健儀等人昨日在灣仔書展搞簽名會，當中偲嫣BB出寫真集《情書》竟然吸引過百人排隊簽名！有男粉絲自稱預早三小時排隊，連盤菜都拎住對方海報去抽水兼搞fb live「追偲會」直播。

有男粉絲拿着「支持偲嫣BB」的紙牌撐場。

盤菜瑩子昨日在書展搞簽名會，更拿着李偲嫣的海報踩場。

獲黑超男送吻

偲嫣BB昨日遲到近50分鐘，大會將她的簽名會改場地，即引來群情洶湧，大嗌「回水」、「出嚟收嘢」、「走數」。其後，穿藍色tee的偲嫣BB終於現身，不過簽名人數大大減少，她解釋因搭的士遇上交通意外才遲到。問到李偲嫣寫真集哪張相最靚，她表示：「構思咗好耐，影咗成百幾張。」對於有人指她執相過度大出入，不似她真人，李偲嫣表示：「咁唔係，我係我，藍色衫最似我真人。」其間，一名戴黑超男粉絲對她十分殷勤，送上鮮花、缽仔糕，又為她飲品拆飲管，更輕吻她肉手。寫真內容，除了重口味的執相圖片，亦有散文，當中更有一篇讚揚香港警務人員的文章。

寫真集中李偲嫣拿花花扮少女，但被指過度執相。

方健儀昨亦在書展搞簽名會，剛巧鄰近李偲嫣攤位。

方健儀想拜會

盤菜瑩子則於較早時段搞簽名會，亦有半百粉絲到場，更擺了盤菜應景。講到銷情，她透露OK，亦不怕與其他寫真書比較，提到盤菜老闆林日曦讚她是紅藝人，她表示未知對方有否捧場買書：「真係畀面喇！其實佢成日都係咁講，個個都係咁講㗎！唔知佢有冇買喎，因為佢冇問我攞簽名。」另外，方健儀的簽名會與偲嫣BB原本簽名會攤位鄰近，提到有網民指對方的寫真PS過度，涉觸犯商品說明條例，她表示：「我唔知道，好耐冇見過李小姐，陣間有空檔會拜會吓，買唔買佢本書要睇乜價位。」

採訪：王連連、黃曉妍
攝影：葉君海
from:http://hk.apple.nextmedia ... 160724/19707463