楊怡昨日出席活動時刻意以露腰衫示人，以證明未有陀B。
剛剛與羅仲謙在英國秘密結婚的楊怡，昨日在藍田出席宣傳活動，楊怡表示已經正式約滿無線，回覆自由身，問是否最後一次為無線宣傳？她說：「暫時係呀，不過呢個圈好細，無線係我娘家，只要有啱嘅工作都會做，就算內地有啱嘅工作都會試。」問到她會否考慮簽約星皓，與老公夫妻檔工作？她笑說：「我冇諗過呀，我哋喺工作方面係獨立，只係會畀意見，不過如果夫妻檔出席活動或合作都唔會抗拒。」
楊怡坦言目前最重要是籌備年底擺喜酒，她說：「因為今年係盲年，我哋都煩緊揀日子，最好有人讚助喇！」她亦表示刻意穿上露腰衫，證明自己未有喜，總之造人計劃一切隨緣。
撰文：張曦彤
from:
http://hk.apple.nextmedia ... 160406/19558727
