蔡一傑隔空助林嘉欣

1^# 大中小 young 發表於 2016-4-5 16:32 發短消息

草蜢昨日在屯門宣傳新專輯，又為fans設計新形象，又幫小女孩設計零食盒歡度兒童節。新專輯將於22日在港台同步發行，草蜢近日就忙於挑選第二首主打歌兼編舞。

好友林嘉欣失落金像獎影后，蔡一傑大表可惜說：「我自己就投嘉欣，宣佈時我喺電視機旁不停叫『嘉欣、嘉欣』冇辦法，呢個係我自己個人喜歡，亦都祝嗰位新鮮出爐影后同埋影帝郭富城繼續拍多啲好戲。」會否覺得春夏爆冷封后，蘇志威覺得入圍演員都演得出色。蔡一智不忘大讚蘇志威於《暗色天堂》中演得好，可惜未獲提名，蘇志威笑說：「喺鏡頭前講咁公道說話，我會繼續努力，亦多謝學友喺戲中帶我入戲。」

採訪、攝影：馬建華
from:http://hk.apple.nextmedia ... 160405/19557559

廷伸閱讀/相關主題推介:

相關主題:林嘉欣蔡一傑

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-4-22 16:34 發短消息

蔡一鳳任劉小華挑機

蔡一鳳日前與5位小主持錄影《晚吹──一大一路》。

亞視前高層盛品儒老婆蔡一鳳，近日獲ViuTV邀請做節目《晚吹──一大一路》嘉賓，上周劉鳴煒被牙尖嘴利的小主持劉小華等挑機，不過日前錄影5位小主持見到女嘉賓蔡一鳳，問題則較溫和。

蔡一鳳大讚小主持整紙皇冠夠巧手，她昨在電話中說：「小朋友轉數好快，問題唔似夾好背出嚟，因為佢哋講得有紋有路，佢哋話知要訪問我，特別上網睇咗資料。」小主持圍繞追問蔡一鳳事業，卻沒人提起其花弗老公盛品儒，她笑言：「老公嗰晚返到屋企問點解冇人提到佢。」恨生B的蔡一鳳接觸過5位小主持後說：「搞到我好想將目標加大，生夠5個。」

採訪：楊定
from:http://hk.apple.nextmedia ... 160419/19576747

TOP

3^# 大中小 young 發表於 2016-4-27 16:36 發短消息

蔡一智出騷甩鞋底

草蜢表示他們三人經常爭吵，就好像一日三餐一樣。

草蜢三子早前上老友伍詠薇替有線主持的新節目《伍姑娘真識食》，蔡一智自爆與弟弟蔡一傑及老友蘇志威多年來常有爭吵，因為三個人的性格完全不同，更笑言爭吵似一日三餐，有時還會有消夜，但鬧完就無事。

蔡一傑則控訴蘇志威當年隱瞞結婚，他說：「有次我哋一齊去美國，佢竟然喺當地結咗婚都唔話畀我哋知，之後喺我哋面前展示隻結婚戒指，我哋先知。」然後傑仔又與蘇志威爆阿智瘀事，蘇志威笑說：「佢好鍾意買嘢，但買咗又唔着，有次開演唱會，佢搵番一對全新嘅鞋着上台，點知跳跳吓舞有個黑影飛咗去觀眾席，原來係佢甩咗鞋底，笑到我同蔡一傑唱唔到歌。」

撰文：小米
from:http://hk.apple.nextmedia ... 160422/19580833

TOP