謝芷蕙Cammi疑再變臉

1^# 大中小 young 發表於 2015-12-24 06:13 發短消息

相關主題: 謝芷蕙

4年前因啜爆陳冠希（Edison）而彈出嘅𡃁模謝芷蕙（Cammi），堪稱變臉女，佢近日去咗韓國首爾，噚日更喺Ig貼相，疑似8.0新版Cammi曝光。新版嘅佢雙眼特別渾圓，再配間尺鼻和刀削臉，驟眼望去像似公仔，Cammi昨日以短訊回覆稱：「用美顏相機影的，影咗好多相，有揀過，但去旅遊都好少用玩手機，通常調嚇色就post。」

撰文：馮仁昭
from:http://hk.apple.nextmedia ... 151221/19419947

廷伸閱讀/相關主題推介:

相關主題:謝芷蕙

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-8-6 00:28 發短消息

Cammi做批發一個月翻本

Cammi開舖賣自家品牌，指六成貨都係自己設計。

曾啜爆陳冠希（Edison）嘅𡃁模謝芷蕙（Cammi），兩人甩拖後，Cammi喺3年前撻着內地富二代B先生，男友教做生意，Cammi近日儲足彈藥，斥資6位數字喺荔枝角開時裝批發店，大賣自家品牌，索性退出娛樂圈。

店舖細細面積只有200多呎，卻有近百款服裝，Cammi話：「六成貨由我設計，男友屋企做時裝，佢舊年喺廣州開咗零售店，我想喺香港賣批發，利潤唔高，志在散貨，一件賺唔超過10蚊，店中最平嘅衫賣20幾蚊，最貴百幾蚊，買5件就有交易。」Cammi話最近有本地連鎖店嚟入貨，新店開業一個月就收支平衡。

Cammi話三年後先同富二代男友結婚。

後悔影性感相

升呢做老闆娘嘅Cammi，唔敢進一步做埋人妻，21歲嘅佢話最快3年後先結婚。事業愛情兩得意嘅Cammi，懶理舊愛Edison被爆戀上被指未離婚嘅內地超模秦舒培，Cammi話：「唔關我事，做好自己。」Cammi話後悔做𡃁模影性感相，對於仍擁有刀削臉，佢話：「冇再打針，嗰次後唔敢，我眉頭皺到㗎，可能係我箍牙。」

撰文：馮仁昭
from:http://hk.apple.nextmedia ... 160720/19701564

TOP

3^# 大中小 young 發表於 2016-8-6 01:01 發短消息

Cammi晒命收男友名錶

現年21歲𡃁模謝芷蕙（Cammi）和23歲內地富二代B先生感情穩定，他們大前日在港慶祝拍拖3周年，在尖沙嘴嘆日本菜，B先生大手筆送價值6位數字卡地亞手錶冧女友，Cammi前晚在微博放閃：「男友知我冇錶戴咪買畀我，佢今次禮物幾破費。」她禮尚往來，買了一對約5,000元的鑽石十字架耳環送給男友，還用了一隻做吊墜給自己，變為情侶首飾，又閃又sweet。

撰文：陳杰

from:http://hk.apple.nextmedia ... 160723/19706163

TOP

4^# 大中小 young 發表於 2016-8-6 17:40 發短消息

【爆相爆片】Cammi去廁所富男友唔耐煩

前日Cammi與男友行apm，離開商場時順道入便利店買水。讀者提供圖片
𡃁模謝芷蕙（Cammi）當年與陳冠希一啜成名，3年前Cammi撻着內地富二代B先生，前日讀者林小姐透過「爆相爆片」，表示當日下午4時許在觀塘apm見到兩人拍拖，林小姐說：「佢哋有蹺手，之後Cammi去洗手間，男友喺走廊等咗十分鐘有啲唔耐煩。」Cammi被不少途人認出，之後二人便坐港鐵離開，沿途在便利店買水。

林小姐稱與Cammi男友有共同朋友，並說：「佢姓陳，我哋通常叫佢陳海，屋企真係好有錢。雖然父母反對，但陳海真係好鍾意Cammi，唔介意陳冠希嘅嘢，仲有傾過結婚。」

Cammi昨日以短訊回覆：「我男友姓陳，個名沒海字。也沒有任何朋友叫他陳海。」她更發毒誓澄清沒有變臉：「我承認過做雙眼皮，打下巴已經溶解了3年！除了眼睛我不算整容吧？如果我現在下巴是假的，我賺唔到錢！」

採訪：比華利

Cammi入了廁所十分鐘左右，男友已經等到唔耐煩。

Cammi不介意男友身高，二人蹺手行街。
from:http://hk.apple.nextmedia ... 160730/19715489

TOP

5^# 大中小 young 發表於 2016-8-6 17:40 發短消息

Cammi「情傷」處處聞啜爆EDC密會王浩信

謝芷蕙（Cammi)，3年前撻着今年23歲嘅內地富二代陳先生後，成日喺ig放閃，不過回看Cammi情史其實都幾豐富。當年16歲，仲讀緊中學嘅Cammi話自己唔見手機，搞到佢同陳冠希脷疊脷嘅啜爆相曝光，Cammi亦因而被人認識。之後同佢扯上緋聞嘅，仲有王浩信同萬寧哥哥沈志明。當年沈志明更被Cammi指控借醉擒啜，搞到沈志明從此變成失蹤人口。
from:http://hk.apple.nextmedia ... 160730/19716156

TOP

6^# 大中小 young 發表於 2016-8-6 17:40 發短消息

Cammi八段進化史似Nel Nel最經典

謝芷蕙（Cammi）除咗同Edison一啜成名，佢嘅樣貌都係外間嘅談論話題，Cammi多年嚟變臉技術出神入化，不過佢只係承認割過雙眼皮，最誇張一次，係11年底，突然由女變男，化身女版Nel Nel（張學潤）。
from:http://hk.apple.nextmedia ... 160730/19716155

TOP

7^# 大中小 young 發表於 2016-8-10 07:07 發短消息

Cammi執相失手長腿長到離晒譜

同陳冠希一啜成名嘅謝芷蕙（Cammi），昨日在Instagram擺咗張新相，臉部已經多次「進化」過嘅佢，今次玩晒腿，

但左右腳長度竟然唔對稱，一長一短非常明顯，睇得出梳化明顯彎咗，修圖痕跡擺晒出嚟。
from:http://hk.apple.nextmedia ... 160809/19729172

TOP