陳珍妮在Ig晒鑽戒，宣佈接受了幕後男友求婚。互聯網圖片
現年32歲、曾在無綫新聞部做主播的陳珍妮，前年書展推出了《TVB新聞部血淚史》，大爆當年做主播的辛酸及新聞部陰暗面。之後她嘗試做主持工作，最近去了歐洲遊學進修，更不時在社交平台貼生活照。日前，身在巴黎的她貼了一張左手中指戴住大大粒鑽石的戒指相，並留言：「點會有人求婚前後瞓覺？就是他了。落機冇耐，攰到喊又送花又飲酒然後醉到瞓着，開場白1999好彩仲記得單膝下跪。其他港女拍枱走咗啦，見係你，又喺巴黎，應承你啦。」
陳珍妮透露與男友拍了兩、三年拖，婚期定於明年。
陳珍妮現身在法國進修，日前到薰衣草田享受日光浴。
曾經做新聞主播的陳珍妮，離職後曾出書爆辛酸史及黑幕。資料圖片
船上飲酒求婚
陳珍妮大方宣佈接受男友求婚，但她男友的背景就非常保密，樣貌未曾曝光，據知二人拍拖幾年，男方亦從事傳媒行業，而她過往情史都與傳媒人有緣，有傳她當年在無綫期間曾與男主播劉顯輝撻着。
本報昨日聯絡了準新娘陳珍妮，她分享了與男友在巴黎鐵塔下野餐，以及去薰衣草田影的靚相，相當浪漫。問到她答允男友求婚，她難掩興奮心情，透露與幕後男友拍了兩、三年拖：「當日求婚，我哋上咗隻船，飲咗少少酒，男朋友求婚時講嘢都好流利，但我就有少少眼瞓。」
「佢學識廣博」
提到男友身份，陳珍妮表示對方做幕後，希望低調不想出鏡，問到未婚夫有甚麼優點，她即讚不絕口地說：「佢學識廣博，好識體諒照顧人，個人仲好好玩。」陳珍妮透露婚期定於明年，她補充：「乜嘢都未準備呀！」記者再問她有否造人大計時，她亦笑言：「都未呀！」
採訪：陳杰
from:
http://hk.apple.nextmedia ... 170714/20088469
