上市不足一個月，股價已累升十倍，這就是本地純羊絨服裝製造及銷售商樂亞國際（8195）。其創辦人兼執行董事為楊詩恆及楊詩傑兩兄弟，當初在加拿大擺地攤賣羊絨開始起家，現時除原始製造業務外（OEM），亦想加快零售自有品牌Casimira的發展，「希望做到第時嚟香港嘅遊客，每人都會買一件我哋嘅衫做手信。」
與其他創業板股一樣，樂亞上月10日選擇以全配售掛牌，首日報4.15元，較配售價0.6元高近6倍，上週五報6.66元。舉行掛牌儀式當日，楊氏兩兄弟與一班員工均穿上「紅噹噹」、印有品牌名字的羊毛衫現身，正合乎公司上市的目的──宣傳。「除咗集資之外，我哋希望利用上市機會去提升自有品牌嘅知名度。」主力做市場推廣的弟弟楊詩傑指，「OEM業務毛利率約13%，做零售可以去到60%，所以零售嘅潛力好大。」
平1/3價錢賣Cashmere
公司現有14間連鎖店，主要設在各區二線商場內，並非主打自由行的旅遊旺區，公司計劃明年投放500萬至700萬元擴充分店網絡。「我哋想做一個本地品牌，賣嘅係開心價嘅Cashmere（山羊絨），比坊間平三分一價錢，唔使幾千蚊先買到。」然而，在香港識貨的人有幾多？哥哥楊詩恆解畫，「冇30歲以上都唔會明咩係Cashmere，所以我哋都target中年客為主。」
賣羊毛衫始終受季節侷限，楊詩傑不諱言，「冬天平均單價係800至1,000元，夏天係300至400元，分別好大。」他們於下年準備推出針對春夏季的新貨。
兩兄弟搞羊毛生意亦非偶然，主要受公司主席、爸爸楊文豪影響。「佢以前喺針織製造廠做咗好多年，當時我哋喺加拿大，爸爸寄咗批貨畀我哋，就去擺地攤賣。」楊詩恆表示兩兄弟累積一筆錢和經驗，回港由做廠做起。「你邊諗到我哋係咁起家？𠵱家唔會有幾多個大學畢業生肯做廠啦。」
from:
http://hk.apple.nextmedia ... 141103/18921649
