[資訊分享] 「折扣經紀」生意耕開有人爭

早前有間本地證券行，以收5元一宗交易打響名堂，盡管收費廉宜，但據講經營者仍然賺大錢，故旋即引來新來者加入。先陣子便有另一間新行，以每單交易4.99元的佣金招徠，聲稱屬全港最低。

一宗交易佣金5元有找

麗珍早前與一些經紀朋友喝茶，提及這門「折扣經紀」（discount broker）生意，一如香港人喜歡一窩蜂，哪門生意賺到錢就即時照跟，開到成行成市的傳統，據講行內現時起碼有4至5間類似的廉價經紀正在籌備開業，分分鐘又是搞到頂爛市。

一宗交易收5元佣金都有錢賺，原因是客戶交易全部經網上平台進行，最大投資是電腦系統，人手隨時不足20人已夠應付上萬客人。由於看似簡單，所以就吸引了不少人打本開舖。

行家鬥低價擬定額收費任炒

據講其中一些未來老闆，本身其實是操盤手，為不少上市公司股份左手交右手谷大成交。為求減低交易成本，他們向來都要和證券經紀講價爭取平佣，折扣經紀正好滿足他們的需要。反正操盤手為老闆們打成交，每日交易金額都隨時幾千萬元至億元，開設折扣經紀行做生意之餘，亦可為自己服務。

其中一位經紀朋友就感歎，一宗交易收幾元佣已未必震撼，他聽聞有行家打算推出每月定額收費880元任客買賣，如果再鬥低價下去，真不知傳統證券行將如何自處。

講真香港證券行買賣股票風險一d都唔細,因為佢哋隨時會將你既股票借俾人賣空或者將你d股票攞去做抵押之類,之前就發生過好多次同類事件,如果有人存心犯法,政府就算有監管都唔會有乜用,好似周街警察,但一樣有人去打劫!