李否認隻手遮天
(明報)3月27日星期五05:10
【明報專訊】長和系業績記者會尾段，「信報網站」記者向長實 主席李嘉誠 提問﹕「你一開聲，港交所 便要（就董事禁售期）讓步，有人講到你好似隻手遮天咁，有無需要澄清呢？」
李嘉誠說，「董事禁售期是幾百家上市公司一齊反對，我哋只係其中幾間」，再者，「我相信佢哋（港交所）已經定咗主意」。
他續說，「有一日（2月11日），《明報》有位女記者喺我門口，大概係早上6點4、5個字，我開車出門口見到佢企喺度，佢可能係內地嚟嘅，我就即刻開咗車窗，佢問我啲嘢（禁售期）。其實呢，我一場好意，佢新嚟香港，態度好好，就同佢講咗啲嘢，而呢啲嘢我知道聽日（2月12日）就會公布。有無可能香港有咁嘅速度，（我）今朝講嘅嘢，聽日港交所就有宣布。」
李嘉誠指出，「因為呢樣嘢，叫我以後，對唔住嘞，總之打波時間（即每朝6時許）我唔講嘢，最着數，對每個人都有損失。今日香港嘅情形，造謠造到離晒譜。」《明報》記者當時在記者會，即場向他表示未有機會提問？李嘉誠即回應稱，「唔係講你哋《明報》」。
李嘉誠接着說﹕「佢（《明報》女記者）喺內地出嚟無幾耐，佢好忠實報道，一字都無錯，但係『明報喺另一篇社評呢』就評論，話我反對，結果便通過。」
李嘉誠又說﹕「《明報》…照計我哋都曾經喺嗰個……一本周刊……《亞洲週刊》做過伙伴，係同我哋一間附屬公司，後尾呢，我哋都退出嚟啦，我哋都好少咁做。」
