Edison 係咪貓哭老鼠我唔知，但佢居然喺庭上面講，以為將嘅淫照掟咗入電腦個垃圾桶，就冇人可以睇得番，我好肯定佢嘅電腦知識好貧乏！
其實好多人都知，唔小心delete 咗硬碟入面嘅相，係可以用software 救番。呢啲軟件能夠用喺正途，亦能俾陰濕小人用嚟搵人私隱，所以無論拎電腦去整、賣畀回收店或棄置電腦，只要harddisk 仲喺部電腦入面，就有機會俾人recover 晒嘅file 出嚟睇，好鬼危險㗎，今期電機兒就教大家點樣杜絕呢個危機！
左：我哋受夠了你……唔識delete ！設計對白
中：吓！乜掉落垃圾筒都摷得番㗎？設計對白
右：你仲天真仲傻過我！設計對白
腦場好多鋪頭都話可以幫人recover 資料，可見整機係幾咁危險，唔熟真係唔好博，或者拆走硬碟先好畀人整。
上網隨便search 「recovery 」，就大把軟件任你下載嚟用，仲係免費添！證明呢種技術幾咁易，一般人都做得到。
Format 完都recover 到
究竟嘅recovery 軟件有幾勁呢？你平時將個file 掟入Windows 個資源回收筒或MAC 個trash ，即使再喺入面清除多一次，recovery 軟件都能夠輕易將佢還原番！更加咪以為format 係最安全，其實呢啲軟件一樣可以搵番晒嘅file 出嚟！就算你絕到將個硬碟嘅C ：、D ：等partition 都搞到消失埋，一樣難唔到呢啲軟件，咁大家明佢哋嘅威力有幾大啦！
用清除軟件 冇得recover
咁有乜辦法可以徹底delete 嘅file ，唔畀壞人還原到呢？其實都有嘅清除軟件做得到，等我推介3 個最好用嘅免費軟件畀大家啦！
狂寫data Eraser
Windows 嘅清除軟件，原理係喺你想delete 嗰個file 所佔嘅硬碟位置，不停寫入新data ，直至原本個file 嘅碎片冇晒為止，咁就乜鬼recovery 軟件都救唔番啦！
下載網址：
http://www.download.com/E ... 4-10231814.html
MAC 機專用Permanent Eraser
若然你同希哥一樣，係蘋果fans ，咁就要用呢個MAC 機專用嘅軟件啦，佢嘅運作方式同Windows 清除軟件差唔多，包保delete 得乾淨。
下載網址：
http://www.download.com/P ... 4-10668789.html
硬碟還原HDD Low Level Format Too
若想放棄硬碟全部file ，可以用low level format 軟件，將個硬碟還原到生產時嘅模式，所有file 連渣都冇淨，仲點recover ？但呢個軟件冇MAC 版，MAC 機要好複雜先做到類似效果，唔建議大家去試。
下載網址：
http://www.brothersoft.co ... tool-75265.html
腦場大把呢啲HDD 轉USB 線賣，爆完人個硬碟即刻可以駁自己部機嚟讀file 。
電腦有密碼 照爆到資料
Edison 上庭仲死撐話嘅電腦set 晒開機password ，拎去整機應該夠晒安全，冇人可以睇到佢嘅相，咁諗真係天真過天真嬌！事關只要拆個硬碟出嚟，再駁去第二部電腦，所有OS 嘅開機password 就會冇晒作用，硬碟即刻變成冇遮冇掩，任你開嘅file 。
仲有，平日千祈唔好將網上銀行login ID 同password 等機密資料save 喺一個text file 入面，因為就算delete 咗，個硬碟一去到人哋手上，就好易recover 出嚟，到時可能仲慘過俾人睇晒嘅淫照呀。
電鑽先係對付硬碟嘅七武器之首，各大五金鋪有售，約$400 。
鑽爆硬碟個殼都未夠，最重要係摧毀入面塊磁碟！
終極一招 殲滅硬碟
雖然用咗今次介紹嘅幾個軟件去delete file ，一般recovery 軟件已經冇符，但電機兒聽過外國黑客有超勁嘅機器同軟件，照樣能夠搵得番嘅file 出嚟。假如你想百分百安全，不妨喺棄置硬碟之前，用電鑽鑽爆佢，再用火燒埋隻磁碟，咁就連國防部都搵唔到你嘅file 啦！
電機兒
見盡奸商、騙徒，恃住有幕後高人力撐，唔怕得罪人，有嗰句講嗰句！
