航運業前景寒冬未過，但航運股已大跌八九成，基本上已過度反映，近期股價由反彈高位回落頗多，正係趁低吸納的大好機會，特別係中外運航運（368）條件吸引，揸一年半載，賺5至7成機會好大。今年初，中外航運高見2.30元，現時跌咗兩成，同07年11月高價8.20元比較，更大跌近8成。大跌股票周街都係，但中外航運「兩高一低」嘅大好條件，卻足以支持股價在好景來臨時出現強勁反彈。(1)資產值高。中外航運07年11月上市，發售14億股，招股價8.18元，集資114億元；08年6月底結算，每股資產淨值3.71元，現股價大幅折讓逾5成。(2)現金值高。08年6月底公司持現金值93億元，以發行股本約40億股計，每股單係現金已值2.33元，股價仲要比現金值打個8折。公司手持巨資，有利在低潮時進行併購，迎接下一個升浪。
現金多派息唔會手緊
(3)PE 低。08年度（12月年結）上半年，公司獲利1.9億美元，大升230%，每股盈利0.37元；下半年運費回落，但大部份長短期租約已提供穩定收益，估計全年盈利可達3億美元，每股盈利0.58元，PE 只係3倍。中外航運經營一隊有36艘貨船的船隊，早輪波羅的海乾散貨指數大升一倍，但好景不常，航運業前景仍未明朗。不過現時油價已大幅回落，可彌補部份因運費下調引致的損失，中外航運09年盈利倒退已係定局，但即使大減一半，每股盈利仍有0.29元，預測PE 亦只6倍而已。中外航運去年中期息派10仙，估計末期息派5仙機會甚大，全年15仙，息率8厘多，頗為吸引。09年盈利雖倒退，但公司現金滿瀉，相信派息唔會手緊，即使全年派10仙計，息率仍接近6厘，仲係低息期的高息對象。進可攻，退可守，在眾多航運股中，中外航運亦係有較多大行看好的對象，平均目標價3元，有7成上升空間。郭兆誠
http://appledaily.atnext. ... art_id=12400458
