早前看電視，才知原來味道和抉擇都有幸福之分，剛巧兩齣劇都由劉心悠擔綱，印象中幸福經已與她掛鉤。跟劉心悠做訪問，最想知她在港吃過最愛的「味道」，原來不是甚麼山珍海錯，而是一碟「好口感」的海南雞飯。能夠給這位寶島美女看上，那碟還不是幸福的海南雞飯？記者：王震遠攝影：王文忠Makeup ：Jan Chan@Annie G ChanHair ：Perry Yung@IL ColpoWardrobe ：Guess Jeans
肥得像啫喱先好味
一碟海南雞飯，成了東南亞人的經典地道美食，就連香港也有極多選擇，每人心中的完美海南雞飯可能又有些不同。約劉心悠（Annie ）做訪問，她說想去有點隱世小店feel 的「好時沙嗲」，原來她最愛到這里吃海南雞飯。她是朋友介紹來試食，一吃鍾情。小記也愛吃海南雞飯，但要是肥雞才合口味，今次遇上知音人，「我都愛食肥雞，要皮下有雞油，肥得有點像啫喱先好味，先完美。有啲人怕食雞油，我唔怕。」那麼多地方的海南雞飯，為何Annie 偏愛這里的出品？「我都試過其他地方嘅海南雞飯，有啲都好好味。但始終最鍾意呢度隻雞嘅口感，唔會好乾好油，啲雞去晒骨，方便又好味。呢間畀到我一種星馬味道，又有啲港式style ，好唔同！」
海南雞飯$36
先用雞骨熬成的上湯將雞浸熟再去骨，並伴上豉油、薑茸和辣椒醬。雞肉質嫩，帶香的雞味，連雞皮食更富雞油香味。
■「一定要食埋個飯，係用雞油焗出嚟！」
一餐飯無湯就未complete
除了海南雞飯，Annie 第二最愛是，「我好鍾意飲肉骨茶，上次返台灣買過一個湯包，加少少豬骨、豉油同蒜頭就可以去煲。」這里的肉骨茶，保留了最傳統的風味，堅持用馬來西亞的藥材做湯底，不加味精，單靠生抽和老抽吊味和控制顏色。Annie 原來無湯不歡，「就算唔食飯，只飲湯都無問題。我覺得一餐飯如果未飲過湯，就好似未complete 咁。台灣興煲快火湯，即係就咁滾湯，靠味精吊味。我試過煲老火湯，唔落味精，想甜啲落紅棗就OK 。」懂煲湯，應該也會煮飯吧。「屋企得我一個人住，平時好少煮成餐飯出嚟。有時只買魚肉片，搵滾水淥兩淥就食。」那豈不無味道？「慣咗啦！因為我而家on diet 。」後來才省起，Annie 每年也會參加馬拉松，現在正on diet 來備戰。今次肯破戒來吃這一頓海南雞飯，小記感到真幸福。
正宗肉骨茶$45/ 小鍋
以當歸、黨參和陳皮等藥材，加上豬骨煲幾個鐘，既有藥材味又不失肉香鮮味。
■Annie 特別愛有中藥味的肉骨茶。
隱世小店其他推介
位於人流不多的商場，但一樓的好時沙嗲卻座無虛席。大廚張向榮曾於沙嗲屋當廚，學會煮得一手星馬菜的廚藝。後來遇上結業，決定租回沙嗲屋舊址來當老闆，堅持做出星洲口味，儲得一班熟客支持。
粉絲蝦煲$60
師傅揀選新鮮大蝦，配以粉絲做底，湯底濃味十足，帶啖啖鮮甜蝦味，吃過粉絲更滿足。
串燒沙嗲（可選配雞、牛、豬）$35半打
以黃薑粉、薑
和蒜茸等自製沙嗲醃肉，即叫即燒，沙嗲味獨特，充滿黃薑粉香。
星洲炒蘿蔔糕$40
由蒜茸、辣椒、甜豉油加新鮮蝦仁製醬來炒。自家製的蘿蔔糕，經甜豉油炒過後脆身香口，非常惹味。
好時沙嗲（27399808）尖沙嘴麼地道63號好時中心144-148室
http://appledaily.atnext. ... art_id=12165274
